മൂന്നാം ദിവസം മുന്നൂറിനു മേലെ ലീഡുമായി ഇന്ത്യ

- Advertisement -

വിരാട് കോഹ്‍ലിയുടെയും ചേതേശ്വര്‍ പുജാരയുടെയും അര്‍ദ്ധ ശതകങ്ങളുടെ ബലത്തില്‍ കൂറ്റന്‍ ലീഡിലേക്ക് ഇന്ത്യ കുതിയ്ക്കുന്നു. മൂന്നാം ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ഇന്ത്യ രണ്ടാം ഇന്നിംഗ്സില്‍ 194/2 എന്ന നിലയിലാണ്. രണ്ടാം ഇന്നിംഗ്സില്‍ 60 ഓവറുകളാണ് ഇതുവരെ എറിഞ്ഞിട്ടുള്ളത്. എന്നാല്‍ മൂന്നാം ദിവസത്തെ ആദ്യ സെഷനില്‍ ഇന്ത്യ മെല്ലെയാണ് സ്കോറിംഗ് നടത്തിയിരിക്കുന്നത്. 362 റണ്‍സിന്റെ ലീഡാണ് ഇന്ത്യയ്ക്ക് ഇപ്പോള്‍ സ്വന്തമായിട്ടുള്ളത്.

ഇംഗ്ലണ്ട് ഫീല്‍ഡര്‍മാരുടെ സഹകരണം കൂടി ലഭിച്ചതോടെ ഇന്ത്യ സെഷനില്‍ വിക്കറ്റ് നഷ്ടമില്ലാതെ മുന്നേറുകയായിരുന്നു. മൂന്നാം വിക്കറ്റില്‍ 83 റണ്‍സാണ് 220 പന്തുകളില്‍ നിന്നായി ഇന്ത്യന്‍ കൂട്ടുകെട്ട് ഇതുവരെ നേടിയത്. 54 റണ്‍സുമായി വിരാട് കോഹ്‍ലിയും 56 റണ്‍സ് നേടി ചേതേശ്വര്‍ പുജാരയുമാണ് ക്രീസില്‍ നില്‍ക്കുന്നത്.

Advertisement