തുടക്കത്തിലെ പാളിച്ചയ്ക്ക് ശേഷം അന്‍മോല്‍പ്രീത് സിംഗും ശ്രീകര്‍ ഭരതും ഇന്ത്യയെ തിരിച്ചുവരവിന്റെ പാതയിലേക്ക് നയിക്കുമെന്ന് കരുതിയെങ്കിലും നാല് വീതം വിക്കറ്റ് വീഴ്ത്തി ലഹിരു കുമരയും ലക്ഷന്‍ സണ്ടകനും തിളങ്ങിയപ്പോള്‍ ശ്രീലങ്ക എ യ്ക്കെതിരെ 269 റണ്‍സിനു ഓള്‍ഔട്ട് ആയി ഇന്ത്യ എ ടീം. ശ്രീകര്‍ ഭരത് 117 റണ്‍സ് നേടി ഇന്നിംഗ്സിലെ അവസാന വിക്കറ്റായി പുറത്തായപ്പോള്‍ അന്‍മോല്‍പ്രീത് സിംഗ് 65 റണ്‍സ് നേടി പുറത്തായി.
നാലാം വിക്കറ്റില്‍ ഇരുവരും ചേര്‍ന്ന് നേടിയ 91 റണ്‍സാണ് ഇന്ത്യ എ ബാറ്റിംഗിലെ ഏറ്റവും മികച്ച കൂട്ടുകെട്ട്. ഒരു വശത്ത് വിക്കറ്റ് വീഴുന്നത് തുടര്‍ക്കഥയായപ്പോള്‍ അതിവേഗം സ്കോറിംഗ് നടത്തുവാന്‍ ശ്രീകര്‍ ശ്രമിയ്ക്കുകയായിരുന്നു. രാഹുല്‍ ചഹാര്‍ 21 റണ്‍സ് നേടി.
