ലോക ഇലവനെ ഇറക്കിയാലും ഇന്ത്യയെ തോൽപ്പിക്കാൻ ആകില്ല എന്ന് ഷാഹിദ് അഫ്രീദി

ദുബായിൽ നടന്ന ഫൈനലിൽ ന്യൂസിലൻഡിനെ നാല് വിക്കറ്റിന് തോൽപ്പിച്ച് ചാമ്പ്യൻസ് ട്രോഫി കിരീടം സ്വന്തമാക്കിയ ഇന്ത്യൻ ടീമിനെ പ്രശംസിച്ച് മുൻ പാകിസ്ഥാൻ ക്യാപ്റ്റൻ ഷാഹിദ് അഫ്രീദി.

ദുബായിൽ ഒരു ‘ലോക 11’ ടീമിനെ എതിരായി ഇറകിയാൽ പോലും ഇന്ത്യ ആയിരിക്കും ജയിക്കുന്നത് എന്ന് അഫ്രീദി അവകാശപ്പെട്ടു. .

“അവർ ജയിക്കാൻ അർഹരായിരുന്നു. ആഭ്യന്തര ക്രിക്കറ്റിലും അക്കാദമികളിലും നന്നായി ഇന്വെസ്റ്റ് ചെയ്യുമ്പോൾ നിങ്ങൾക്ക് ഇതുപോലെയുള്ള ഫലം ലഭിക്കും. അവരുടെ തിരഞ്ഞെടുപ്പ് ഉജ്ജ്വലമായിരുന്നു, ദുബായിലെ സാഹചര്യങ്ങൾക്ക് യോജിച്ചതാണ് അവരുടെ ടീം.” അഫ്രീദി പറഞ്ഞു.

“ഞാൻ അവിടെ കളിച്ചിട്ടുണ്ട്, സ്പിന്നർമാർ അവിടെ എത്ര പ്രധാനമാണെന്ന് എനിക്കറിയാം. ഓപ്പണർമാർ മുതൽ മിഡിൽ ഓർഡർ വരെയും, ഓൾറൗണ്ടർമാരും ബൗളർമാരുമായും, ഇന്ത്യക്ക് നല്ല ബാലൻസുള്ള ടീം ഉണ്ട്. നിങ്ങൾ ഒരു ലോക ഇലവനെ രൂപീകരിച്ച് എതിരായി നിർത്തിയാലും ഇന്ത്യ ജയിക്കും.” അഫ്രീദി പറഞ്ഞു.