സൂപ്പര്‍ സ്മൃതി, ആദ്യ ഏകദിനത്തിൽ ഇംഗ്ലണ്ടിനെ മുട്ടുകുത്തിച്ച് ഇന്ത്യ

ഇംഗ്ലണ്ടിനെതിരെ മികച്ച വിജയവുമായി ഇന്ത്യന്‍ വനിതകള്‍. ഇന്ന് ആദ്യം ബാറ്റ് ചെയ്ത ഇംഗ്ലണ്ടിനെ 227/7 എന്ന സ്കോറിനൊതുക്കിയ ശേഷം ഇന്ത്യ 3 വിക്കറ്റ് നഷ്ടത്തിൽ 44.2 ഓവറിൽ വിജയം കുറിയ്ക്കുകയായിരുന്നു. ഹര്‍മ്മന്‍പ്രീത് കൗര്‍ സിക്സര്‍ പായിച്ചാണ് ഇന്ത്യയുടെ വിജയം ഉറപ്പാക്കിയത്.

സ്മൃതി മന്ഥാന 91 റൺസ് നേടിയപ്പോള്‍ ഹര്‍മ്മന്‍പ്രീത് കൗര്‍ പുറത്താകാതെ 74 റൺസുമായി മികച്ച പ്രകടനം പുറത്തെടുത്തു. ഷഫാലി വര്‍മ്മയെ തുടക്കത്തിൽ തന്നെ നഷ്ടമായ ശേഷം യാസ്തിക ഭാട്ടിയയ്ക്കൊപ്പം സ്മൃതി 96 റൺസാണ് രണ്ടാം വിക്കറ്റിൽ നേടിയത്.

50 റൺസ് നേടിയ യാസ്തിക പുറത്തായ ശേഷം ഹര്‍മ്മന്‍പ്രീത് കൗറുമായി സ്മൃതി  99 റൺസാണ് മൂന്നാം വിക്കറ്റിൽ നേടിയത്. ഷഫാലിയെ പുറത്താക്കിയ കേറ്റ് ക്രോസിന് തന്നെയാണ് സ്മൃതിയുടെ വിക്കറ്റും ലഭിച്ചത്.

 

Indiawomencricket

ഡാനിയൽ വയട്ട്(43) നടത്തിയ ചെറുത്തുനില്പിനിടയിലും 128/6 എന്ന നിലയിലേക്ക് വീണ ഇംഗ്ലണ്ടിനെ ഡേവിഡ്സൺ റിച്ചാര്‍ഡ്സ്(50*), സോഫി എക്ലെസ്റ്റോൺ(31), ചാര്‍ലട്ട് ഡീന്‍(24*) എന്നിവര്‍ ചേര്‍ന്നാണ് 227 റൺസിലേക്ക് എത്തിച്ചത്.