ഈ അവസരം ഉപയോഗിക്കുക ഏറെ പ്രധാനമെന്ന് ശ്രേയസ്സ് അയ്യര്‍

- Advertisement -

വിന്‍ഡീസ് പരമ്പരയില്‍ തനിക്ക് നല്‍കിയ അവസരം പ്രയോജനപ്പെടുത്തി ടീമിലെ സ്ഥാനം ഉറപ്പാക്കുകയെന്നത് ഏറെ പ്രധാനമായ കാര്യമാണെന്ന് പറഞ്ഞ് ശ്രേയസ്സ് അയ്യര്‍. ഒരു വര്‍ഷത്തിനു മേലെ ഇടവേളയ്ക്ക് ശേഷമാണ് താന്‍ ടീമിലേക്ക് എത്തുന്നത്. ഈ അവസരം താന്‍ വേണ്ട വിധത്തില്‍ പ്രയോജനപ്പെടുത്തേണ്ടത് വളരെ പ്രധാനമായ കാര്യമാണെന്നും അയ്യര്‍ പറഞ്ഞു. ടീമിലെ സ്ഥാനം ഉറപ്പാക്കുവാന്‍ ആദ്യം വേണ്ടത് അവസരങ്ങളാണ്, അതാണ് തനിക്കിപ്പോള്‍ ലഭിച്ചിരിക്കുന്നത്, ഇനി അത് വേണ്ട വിധത്തില്‍ താന്‍ ഉപയോഗിക്കണമെന്നും ശ്രേയസ്സ് അയ്യര്‍ പറഞ്ഞു.

ഗയാനയിലെ ആദ്യ ഏകദിനം മഴ മൂലം ഉപേക്ഷിക്കപ്പെട്ടപ്പോള്‍ പോര്‍ട്ട് ഓഫ് സ്പെയിനില്‍ ഇതുവരെ ടീമിന് പരിശീലനം നടത്തുവാനും സാധിച്ചിട്ടില്ല. മഴ മാറി നിന്ന് തനിക്ക് അടുത്ത രണ്ട് മത്സരങ്ങളിലും ലഭിയ്ക്കുന്ന അവസരം മുതലാക്കാനാകുമെന്നാണ് ശ്രേയസ്സ് അയ്യര്‍ പ്രത്യാശ പ്രകടിപ്പിക്കുന്നത്.

Advertisement