അര്‍ദ്ധ ശതകത്തിന് ശേഷം ഇബ്രാഹിം സദ്രാന്‍ പുറത്ത്, അഫ്ഗാനിസ്ഥാന്‍ മുന്നേറുന്നു

Sports Correspondent

Download the Fanport app now!
Appstore Badge
Google Play Badge 1

സിംബാ‍ബ്‍വേയ്ക്കെതിരെ രണ്ടാം ടെസ്റ്റിന്റെ ഒന്നാം ദിവസത്തെ രണ്ടാം സെഷന്‍ അവസാനിക്കുമ്പോള്‍ 187/3 എന്ന നിലയില്‍ അഫ്ഗാനിസ്ഥാന്‍. മൂന്നാം വിക്കറ്റില്‍ ഹസ്മത്തുള്ള ഷഹീദിയുമായി 65 റണ്‍സ് കൂട്ടുകെട്ട് നേടിയ ഇബ്രാഹിം സദ്രാന്‍ തന്റെ അര്‍ദ്ധ ശതകം പൂര്‍ത്തിയാക്കിയാണ് ഇന്ന് അഫ്ഗാനിസ്ഥാന്‍ ഇന്നിംഗ്സിന് അടിത്തറ പാകിയത്.

72 റണ്‍സ് നേടിയ താരം റയാന്‍ ബര്‍ളിന് വിക്കറ്റ് നല്‍കി മടങ്ങുമ്പോള്‍ 121/3 എന്ന നിലയിലായിരുന്നു അഫ്ഗാനിസ്ഥാന്‍. തുടര്‍ന്ന് ക്യാപ്റ്റന്‍ അസ്ഗര്‍ അഫ്ഗാനും ഷഹീദിയും ചേര്‍ന്ന് നാലാം വിക്കറ്റില്‍ ഇതുവരെ 66 റണ്‍സ് നേടിയിട്ടുണ്ട്.

ഷഹീദി 42 റണ്‍സും അസ്ഗര്‍ 38 റണ്‍സുമാണ് നേടിയിട്ടുള്ളത്.