മുന്നിൽ നിന്ന് പൊരുതാനായതിൽ സന്തോഷം – മുഷ്ഫിക്കുർ റഹിം

Mushfiqurrahim
- Advertisement -

ബംഗ്ലാദേശിനെ തകർച്ചയിൽ നിന്ന് കരകയറ്റി 246 റൺസിലേക്ക് നയിച്ചതിൽ വിക്കറ്റ് കീപ്പർ ബാറ്റ്സ്മാൻ മുഷ്ഫിക്കുർ റഹിമിന്റെ സേവനം വളരെ വലുതാണ്. താരം ഒറ്റയ്ക്ക് നേടിയ 125 റൺസാണ് ബംഗ്ലാദേശിന് തകർച്ചയിൽ നിന്ന് കരകയറുവാനുള്ള അവസരം സൃഷ്ടിച്ചത്. തനിക്ക് ടീമിന് വേണ്ടി മുന്നിൽ നിന്ന് പൊരുതാനായതിൽ സന്തോഷം ഉണ്ടെന്നാണ് മുഷ്ഫിക്കുർ റഹിം പറഞ്ഞത്.

എന്നാൽ തനിക്ക് അവസാന 11 പന്തുകൾ കൂടി കളിക്കുവാൻ സാധിക്കാത്തതിൽ വിഷമം ഉണ്ടെന്ന് മുഷ്ഫിക്കുർ പറഞ്ഞു. ഇനിയും ബംഗ്ലാദേശ് മെച്ചപ്പെടുവാനുള്ള പല മേഖലകളും ഉണ്ടെന്നും ഭയമില്ലാതെ ടീം കളിക്കേണ്ടിയിരിക്കുന്നുവെന്നും മുഷ്ഫിക്കുർ വ്യക്തമാക്കി. അത്ര അനായാസം ബാറ്റ് ചെയ്യാനാകുന്ന പിച്ചല്ലായിരുന്നു ഇതെന്നും അവിടെ ഇത്തരം മികച്ച തിരിച്ചുവരവുകൾ സന്തോഷം നൽകുന്നതാണെന്നും മുഷ്ഫിക്കുർ വ്യക്തമാക്കി.

Advertisement