വെടിക്കെട്ട് പ്രകടനത്തോടെ യുവരാജും ഗോണിയും, ആദ്യ ജയം സ്വന്തമാക്കി ടൊറന്റോ നാഷണൽസ്

ഇന്ത്യൻ താരങ്ങളായ യുവരാജ് സിങ്ങും ഗോണിയും വിശ്വരൂപം പുറത്തെടുത്തപ്പോൾ ഗ്ലോബൽ ടി20യിൽ ടൊറന്റോ നാഷണൽസിന്‌ രണ്ടു വിക്കറ്റ് ജയം. ആദ്യ ബാറ്റ് ചെയ്ത് 191 റൺസ് നേടിയ എഡ്മോണ്ടൺ റോയൽസിനെ 7 പന്ത് ബാക്കി നിൽക്കെ 8 വിക്കറ്റ് നഷ്ടത്തിൽ ടൊറന്റോ നാഷണൽസ് മറികടക്കുകയായിരുന്നു. 12 പന്തിൽ 33 റൺസ് എടുത്ത ഗോണിയും 21 പന്തിൽ 35 റൺസ് എടുത്ത യുവരാജ് സിങ്ങും ടൊറന്റോ നാഷണൽസിന്‌ ജയം നേടി കൊടുക്കുകയായിരുന്നു.

നേരത്തെ പുറത്താവാതെ 24 പന്തിൽ 43 റൺസ് നേടിയ കട്ടിങ്ങിന്റെയും 17 പന്തിൽ 36 റൺസ് എടുത്ത ഷദബ് ഖാന്റെയും ബാറ്റിംഗ് പ്രകടനത്തിന്റെ പിൻബലത്തിലാണ് എഡ്മോണ്ടൺ റോയൽ 191 റൺസ് എടുത്തത്.  ടൊറന്റോ നാഷണൽസിന്‌ വേണ്ടി മൂന്ന് വിക്കറ്റ് വഴിതിയ ഗ്രീൻ ആണ് മികച്ച പ്രകടനം പുറത്തെടുത്തത്.

തുടർന്ന് ബാറ്റ് ചെയ്ത ടൊറന്റോ നാഷണൽസ് 39 പന്തിൽ 45 ഹെയ്‌ൻറിച്ച് ക്ലാസന്റെ മികവിൽ പൊരുതുകയും അവസാന ഘട്ടത്തിൽ ആഞ്ഞടിച്ച യുവരാജ് സിംഗിന്റെയും ഗോണിയുടെയും രവീന്ദർപാൽ സിംഗിന്റെയും മികവിൽ ജയിച്ചു കയറുകയുമായിരുന്നു. രവീന്ദർപാൽ സിങ് 5 പന്തിൽ 17 റൺസ് എടുത്ത് പുറത്താവുകയായിരുന്നു.