ടി20 ബ്ലാസ്റ്റിന് ലങ്കാഷയറുമായി കരാറിലെത്തി മാക്സ്വെല്‍

- Advertisement -

ടി20 ബ്ലാസ്റ്റ് 2020ന് വേണ്ടി ലങ്കാഷയറുമായി വീണ്ടും കരാറിലെത്തി ഗ്ലെന്‍ മാക്സ്വെല്‍. ടൂര്‍ണ്ണമെന്റില്‍ എട്ടോളം മത്സരത്തില്‍ ഓസ്ട്രേലിയന്‍ ഓള്‍റൗണ്ടറുടെ സേവനം ഉണ്ടാകുമെന്നാണ് പ്രതീക്ഷിക്കപ്പെടുന്നത്. അതിന് ശേഷം താരം ദേശീയ ടീമിലേക്ക് മടങ്ങിപ്പോകും. 2019ല്‍ ടീമിനായി എല്ലാ ഫോര്‍മാറ്റിലും കളിച്ച താരമാണ് മാക്സ്വെല്‍. അതോടെ ടീമിന് കൗണ്ടി ചാമ്പ്യന്‍ഷിപ്പിന്റെ ഫസ്റ്റ് ഡിവിഷനിലേക്ക് യോഗ്യത നേടാനുമായി.

11 മത്സരങ്ങളില്‍ നിന്ന് 305 റണ്‍സാണ് മാക്സ്വെല്‍ കഴിഞ്ഞ ടി20 ബ്ലാസ്റ്റില്‍ നേടിയത്. ടീമിനായുള്ള ആദ്യ മത്സരത്തില്‍ 30 പന്തില്‍ താരം അര്‍ദ്ധ ശതകവും നേടിയിരുന്നു. ആറ് വിക്കറ്റും നേടിയ താരത്തെ ലങ്കാഷയര്‍ തങ്ങളുടെ 2019ലെ ടി20 താരമായി തിരഞ്ഞെടുക്കുകയായിരുന്നു.

Advertisement