ലോര്‍ഡ്സിൽ വിഹാരിയ്ക്ക് അവസരം നല്‍കണം – സഞ്ജയ് മഞ്ജരേക്കര്‍

ലോര്‍ഡ്സിൽ ഇംഗ്ലണ്ടിനെിരെയുള്ള രണ്ടാം ടെസ്റ്റിൽ ഇന്ത്യ ഹനുമ വിഹാരിയ്ക്ക് അവസരം നല്‍കണമെന്ന് പറഞ്ഞ് സഞ്ജയ് മഞ്ജരേക്കര്‍. ശര്‍ദ്ധുൽ താക്കൂറിനെയും രവീന്ദ്ര ജഡേജയെയും ടീമിൽ നിന്ന് ഒഴിവാക്കി പകരം വിഹാരിയെയും അശ്വിനെയും തിരികെ കൊണ്ടു വരണമെന്നും സഞ്ജയ് സൂചിപ്പിച്ചു.

ഇന്ത്യന്‍ ടോപ് ഓര്‍ഡറിൽ നിന്ന് റൺസ് വരാത്തതിനാൽ തന്ന ഹനുമ വിഹാരി ടീമിലേക്ക് എത്തുന്നത് ഗുണകരമാകുമെന്നും ഋഷഭ് പന്ത് ഏഴാം നമ്പറിൽ ബാറ്റ് ചെയ്താൽ കൂടുതൽ അപകടകാരിയായി മാറുമെന്നും സഞ്ജയ് അഭിപ്രായം പ്രകടിപ്പിച്ചു.

ട്രെന്റ് ബ്രിഡ്ജിൽ അശ്വിനെ ടീം ഒഴിവാക്കിയത് മണ്ടത്തരമായിപ്പോയിയെന്നും ആ പിഴവ് ലോര്‍ഡ്സിൽ ടീം വരുത്തില്ലെന്നും സഞ്ജയ് വ്യക്തമാക്കി.