ന്യൂസിലാണ്ടിനെതിരെ മൂന്നാം ഏകദിനത്തിൽ ഒരു ഘട്ടത്തിൽ 400ന് മേലെ സ്കോറിലേക്ക് ഇന്ത്യ എത്തുമെന്ന് തോന്നിയെങ്കിലും വിക്കറ്റുകളുമായി തിരിച്ചുവരവ് നടത്തി ന്യൂസിലാണ്ട്. 9 വിക്കറ്റ് നഷ്ടത്തിൽ ഇന്ത്യ 385 റൺസാണ് ഇന്ന് നേടിയത്.
212 റൺസാണ് രോഹിത്തും ഗില്ലും ചേര്‍ന്ന് നേടിയത്. എന്നാൽ പിന്നീട് തുടരെ വിക്കറ്റുകളുമായി ന്യൂസിലാണ്ട് മത്സരത്തിലേക്ക് തിരികെ വരികയായിരുന്നു. രോഹിത് 101 റൺസും ശുഭ്മന്‍ ഗിൽ 112 റൺസും നേടിയപ്പോള്‍ വിരാട് കോഹ്‍ലി 36 റൺസ് നേടി പുറത്തായി.
അവസാന ഓവറുകളിൽ ഹാര്‍ദ്ദിക് പാണ്ഡ്യയുടെ കൂറ്റനടികളാണ് ഇന്ത്യയെ 385 റൺസിലേക്ക് എത്തുവാന്‍ സഹായിച്ചത്. 38 പന്തിൽ നിന്ന് 54 റൺസാണ് ഹാര്‍ദ്ദിക് നേടിയത്. ന്യൂസിലാണ്ടിനായി ബ്ലെയര്‍ ടിക്നറും ജേക്കബ് ഡഫിയും മൂന്ന് വീതം വിക്കറ്റ് നേടി.
