ഇംഗ്ലണ്ടിനെതിരെ വിന്‍ഡീസിന്റെ സാധ്യത വര്‍ദ്ധിപ്പിക്കുന്ന കാര്യമാണ് ഗെയില്‍ തിരികെ ഏകദിന ടീമിലെത്തിയതെന്ന് വ്യക്തമാക്കി വിന്‍ഡീസ് ബാറ്റ്സ്മാന്‍ ഷായി ഹോപ്. ടീമിലെ യുവ താരങ്ങള്‍ക്ക് അത് ഏറെ ഗുണം ചെയ്യും. താരത്തില്‍ നിന്ന് ഏറെകാര്യങ്ങള്‍ ടീമിലെ മറ്റു താരങ്ങള്‍ക്ക് പഠിക്കാനുണ്ടെന്നും ലോകകപ്പിനു വേണ്ടിയുള്ള മികച്ച കോമ്പിനേഷനായി ശ്രമിക്കുന്ന വിന്‍ഡീസിനു ഇത് മികച്ച രീതിയില്‍ ഉപകാരപ്പെടുമെന്നും ഷായി ഹോപ് വ്യക്തമാക്കി.
ഗെയില്‍ ടീമിനൊപ്പം എത്തുമ്പോള്‍ തന്നെ ടീമിലെ അന്തരീക്ഷം മാറും. ഏറെ തമാശയും മികച്ച ഷോട്ടുകളുമായി ഗെയില്‍ നെറ്റ്സില്‍ കളം നിറയുമെന്നും ഷായി ഹോപ് പറഞ്ഞു. താരത്തിനുള്ള അനുഭവസമ്പത്ത് വളരെ വലുതാണെന്നും അതിനാല്‍ തന്നെ അത് മുഴുവന്‍ ടീമിനും ശക്തി പ്രധാനം ചെയ്യുന്നുവെന്നും ഹോപ് പറഞ്ഞു.
