ദി ഹണ്ട്രെഡ് – പരിശീലകനായി ഗാരി കിര്‍സ്റ്റെനും

കാര്‍ഡിഫ് ആസ്ഥാനമാക്കിയുള്ള ദി ഹണ്ട്രെഡ് ടീമിന്റെ പരിശീലക വേഷത്തില്‍ എത്തുവാനായി ഗാരി കിര്‍സ്റ്റെനും. പുരുഷ ടീമിനെ കിര്‍സ്റ്റെനും വനിത ടീമിനെ മാത്യൂ മോട്ടുമാവും പരിശീലിക്കുക. ഇന്ത്യയുടെ ലോകകപ്പ് വിജയികളായ 2011 സ്ക്വാഡിന്റെ പരിശീലകനായിരുന്ന ഗാരി കിര്‍സ്റ്റെന്‍ ദക്ഷിണാഫ്രിക്കയെ ടെസ്റ്റ് റാങ്കിംഗില്‍ ഒന്നാമതെത്തിച്ചതിന് പിന്നില്‍ പ്രവര്‍ത്തിച്ചിട്ടുണ്ട്. ഐപിഎലില്‍ ബാംഗ്ലൂര്‍ റോയല്‍ ചലഞ്ചേഴ്സിന്റെ പരിശീലകനായും ഈ മുന്‍ ദക്ഷിണാഫ്രിക്കന്‍ ഓപ്പണര്‍ പ്രവര്‍ത്തിച്ചിട്ടുണ്ട്.

കാര്‍ഡിഫ് ആസ്ഥാനമായിട്ടുള്ള ഗ്ലാമോര്‍ഗനെ മൂന്ന് സീസണില്‍ പരിശീലിപ്പിച്ചയാളാണ് മാത്യൂ മോട്ട്. ടൂര്‍ണ്ണമെന്റിന്റെ പുരുഷ താരങ്ങളുടെ ഡ്രാഫ്ട് ഒക്ടോബറിലാണ് നടക്കുവാനിരിക്കുന്നത്.

Previous articleലോകകപ്പ് യോഗ്യത മത്സരങ്ങള്‍ക്ക് മുമ്പ് അയര്‍ലണ്ടുള്‍പ്പെടുന്ന പഞ്ചരാഷ്ട്ര ടി20 ടൂര്‍ണ്ണമെന്റ്
Next articleനെയ്മറിനെ സൈൻ ചെയ്യുമെന്ന സൂചനകൾ നൽകി സിദാൻ