പാക് പ്രതീക്ഷ ഷഫീക്കിൽ, ഇനി വേണ്ടത് 44 റൺസ്, ശ്രീലങ്കയ്ക്ക് 5 വിക്കറ്റ് നേടിയാൽ വിജയം

ഗോള്‍ ടെസ്റ്റിൽ ശ്രീലങ്കയുടെ വിജയ പ്രതീക്ഷകള്‍ക്ക് മുന്നിൽ വിലങ്ങ് തടിയായി അബ്ദുള്ള ഷഫീക്ക്. അവസാന ദിവസം ലഞ്ചിന് പിരിയുമ്പോള്‍ പാക്കിസ്ഥാന്‍ 298/5 എന്ന നിലയിലാണ്. വെറും 44 റൺസ് വേണ്ട ടീമിന് പക്ഷേ കൈവശമുള്ളത് 5 വിക്കറ്റാണ്.

അബ്ദുള്ള ഷഫീക്ക് 139 റൺസുമായി ക്രീസിൽ നില്‍ക്കുന്നു എന്നതാണ് പാക്കിസ്ഥാന്റെ പ്രതീക്ഷ. അതേ സമയം പ്രഭാത് ജയസൂര്യ 4 വിക്കറ്റുകളുമായി ശ്രീലങ്കയുടെ പ്രതീക്ഷയായി നിലകൊള്ളുന്നു.

മത്സരത്തിന്റെ അടുത്ത സെഷന്‍ ആവേശകരമായി മുന്നേറുമെന്ന് ഉറപ്പാകുമ്പോള്‍ നേരിയ മുന്‍തൂക്കം മത്സരത്തിൽ പാക്കിസ്ഥാന് തന്നെയാണ്. എന്നാൽ ശ്രീലങ്കന്‍ സ്പിന്നര്‍മാര്‍ പാക്കിസ്ഥാന്‍ വാലറ്റത്തെ തൂത്തുവാരിയാൽ ഓസ്ട്രേലിയയ്ക്കെതിരെ നടത്തിയ പോലുള്ള വിജയം സ്വന്തമാക്കുവാന്‍ ശ്രീലങ്കയ്ക്കാകും.