ഗ്ലണ്ടിനെതിരെ തനിക്ക് ടെസ്റ്റ് കളിക്കുവാന്‍ അവസരം കിട്ടുകയാണെങ്കില്‍ അല്പം ബാന്റര്‍ ആവുന്നതില്‍ തെറ്റില്ലെന്ന് അഭിപ്രായപ്പെട്ട് വിന്‍ഡീസ് പേസര്‍ ഷാനണ്‍ ഗബ്രിയേല്‍. മൂന്ന് ടെസ്റ്റുകളുടെ പരമ്പരയിലെ എട്ട് റിസര്‍വ്വ് താരങ്ങളില്‍ ഒരാളാണ് ഷാനണ്‍ ഗബ്രിയേല്‍. കഴിഞ്ഞ തവണ സെയിന്റ് ലൂസിയയിലെ അവസാന ടെസ്റ്റില്‍ ഇരു ടീമുകളും ഏറ്റുമുട്ടിയപ്പോള്‍ ഇംഗ്ലണ്ട് നായകന്‍ ജോ റൂട്ടുമായി കോര്‍ത്ത ഷാനണ്‍ ഗബ്രിയേലിന് നാല് മത്സരങ്ങളില്‍ നിന്ന് വിലക്ക് ലഭിച്ചിരുന്നു.
ആ സംഭവത്തെക്കുറിച്ച് തനിക്ക് വലിയ ചിന്തയില്ലെന്നും ജോ റൂട്ടോ ബെന്‍ സ്റ്റോക്സോ ആര് തന്നെയായാലും അവരെ പുറത്താക്കുവാനുള്ള ശ്രമം താന്‍ തുടരുമെന്നും താരം വ്യക്തമാക്കി. കഴിഞ്ഞ വര്‍ഷം റൂട്ടിനോട് “ആണ്‍കുട്ടികളെ ഇഷ്ടമാണോ” എന്ന ചോദ്യമാണ് ഗബ്രിയേല്‍ ബാന്ററിനിടയില്‍ ചോദിച്ചത്. അതിന് “ഗേ ആവുന്നത് ഒരു തെറ്റല്ലെന്ന”മറുപടി റൂട്ട് നല്‍കി.
ഈ വിവാദം ആവശ്യത്തില്‍ കൂടുതല്‍ ഊതി പെരുപ്പിച്ചതാണെന്നാണ് ഗബ്രിയേല്‍ വ്യക്തമാക്കുന്നത്. ഇത്തിരി ബാന്റര്‍ ഒക്കെയുണ്ടെങ്കിലേ ക്രിക്കറ്റില്‍ മത്സരം രസകരമാകൂ എന്ന് തന്നെയാണ് തന്റെ വിശ്വാസമെന്നും ഗബ്രിയേല്‍ വ്യക്തമാക്കി.
