പരമ്പര തൂത്തുവാരുവാന്‍ ഇംഗ്ലണ്ട് നേടേണ്ടത് 6 വിക്കറ്റുകള്‍

- Advertisement -

ഇംഗ്ലണ്ടിനെതിരെയുള്ള ടെസ്റ്റ് പരമ്പര വൈറ്റ് വാഷ് ഭീഷണി ഒഴിവാക്കുക ശ്രീലങ്കയ്ക്ക് ഏറെക്കുറെ അസാധ്യമായി മാറിയിരിക്കുന്നു. രണ്ട് ദിവസം അവശേഷിക്കെ ശ്രീലങ്ക തോല്‍വി ഒഴിവാക്കുവാന്‍ 6 വിക്കറ്റുകള്‍ നഷ്ടമാകാതെ നോക്കണമെന്ന നിലയിലാണ്. 327 റണ്‍സ് വിജയ ലക്ഷ്യം തേടിയിറങ്ങിയ ശ്രീലങ്ക 53/4 എന്ന നിലയിലാണ് സ്ഥിതി ചെയ്യുന്നത്. 274 റണ്‍സ് പിന്നിലായാണ് ടീം നില്‍ക്കുന്നത്.

രണ്ടാം ഇന്നിംഗ്സില്‍ ഇംഗ്ലണ്ടിനെ 230 റണ്‍സിനു ഓള്‍ഔട്ട് ആക്കിയ ശ്രീലങ്ക മോയിന്‍ അലിയ്ക്ക് രണ്ട് വിക്കറ്റ് നല്‍കി. ജാക്ക് ലീഷ്, ബെന്‍ സ്റ്റോക്സ് എന്നിവര്‍ ഓരോ വിക്കറ്റും നേടി ഇംഗ്ലണ്ട് നിരയില്‍ മോയിന്‍ അലിയ്ക്ക് പിന്തുണ നല്‍കി. 15 റണ്‍സുമായി കുശല്‍ മെന്‍ഡിസും 1 റണ്‍സ് നേടിയ ലക്ഷന്‍ സണ്ടകനുമാണ് ക്രീസില്‍ നില്‍ക്കുന്നത്.

ആദ്യ ഇന്നിംഗ്സില്‍ തിളങ്ങിയ ദിമുത് കരുണാരത്നേ 23 റണ്‍സ് നേടി പുറത്തായപ്പോള്‍ ധനന്‍ജയ ഡിസില്‍വ പൂജ്യത്തിനു പുറത്തായി.

Advertisement