ഒന്നും ചെയ്യാനാകാതെ ബാറ്റ്സ്മാന്മാര്‍, ഇംഗ്ലണ്ടും ഓള്‍ഔട്ട്

India
- Advertisement -

അഹമ്മദാബാദ് ടെസ്റ്റില്‍ ഇന്ത്യയ്ക്ക് 49 റണ്‍സ് വിജയ ലക്ഷ്യം. രണ്ടാം ദിവസം 145 റണ്‍സിന് തങ്ങളുടെ ഒന്നാം ഇന്നിംഗ്സില്‍ ഓള്‍ഔട്ട് ആയ ഇന്ത്യ ഇംഗ്ലണ്ടിന്റെ രണ്ടാം ഇന്നിംഗ്സിന് 81 റണ്‍സില്‍ അവസാനം കുറിയ്ക്കുകയായിരുന്നു. പരമ്പരയില്‍ മുന്നിലെത്തുവാന്‍ ഇന്ത്യ 49 റണ്‍സാണ് നേടേണ്ടത്.

25 റണ്‍സ് നേടിയ ബെന്‍ സ്റ്റോക്സും 19 റണ്‍സ് നേടിയ ജോ റൂട്ടും ഒഴികെ മറ്റാര്‍ക്കും റണ്‍സ് കണ്ടെത്താനാകാതെ പോയപ്പോള്‍ ഇംഗ്ലണ്ടിന്റെ ഇന്നിംഗ്സ് 30.4 ഓവറില്‍ അവസാനിക്കുകയായിരുന്നു.

അക്സര്‍ പട്ടേല്‍ അഞ്ചും രവിചന്ദ്രന്‍ അശ്വിന്‍ നാലും വിക്കറ്റ് നേടിയപ്പോള്‍ രണ്ടാം ഇന്നിംഗ്സിലെ അവസാന വിക്കറ്റ് ജെയിംസ് ആന്‍ഡേഴ്സണേ പുറത്താക്കി വാഷിംഗ്ടണ്‍ സുന്ദര്‍ കരസ്ഥമാക്കി.

Advertisement