കൂടുതല്‍ വരുമാനവും താല്പര്യവും സൃഷ്ടിക്കാനാകുന്ന ദി ഹണ്ട്രെഡിലേക്ക് ബോര്‍ഡ് കൂടുതല്‍ ശ്രദ്ധയൂന്നണം

ഇംഗ്ലണ്ടില്‍ കോവിഡ് മൂലം കൗണ്ടി ചാമ്പ്യന്‍ഷിപ്പ് ഏറെക്കുറെ ഉപേക്ഷിക്കുവാനും കൂടുതല്‍ ശ്രദ്ധ ടി20 ബ്ലാസ്റ്റിനും അന്താരാഷ്ട്ര മത്സരങ്ങള്‍ക്കുമാകുമെന്നാണ് ബോര്‍ഡിന്റെ നയമെങ്കിലും ദി ഹണ്ട്രെഡ് പോലുള്ള ടൂര്‍ണ്ണമെന്റ് ഉപേക്ഷിക്കുവാന്‍ ഒരു തീരുമാനവും എടുത്തിട്ടില്ലെന്ന് അറിയിച്ച് ഇംഗ്ലണ്ട് ക്രിക്കറ്റ് ബോര്‍ഡ് സിഇഒ ടോം ഹാരിസണ്‍.

കൂടുതല്‍ വരുമാനും കാണികളെ ആകര്‍ഷിക്കുവാനും കഴിയുന്ന ഹണ്ട്രെഡ് പോലുള്ള ടൂര്‍ണ്ണമെന്റുകളുമായി ഇംഗ്ലണ്ട് ബോര്‍ഡ് മുന്നോട്ട് വരണമെന്നാണ് ടോം ഹാരിസണ്‍ അഭിപ്രായപ്പെട്ടത്. ദി ഹണ്ട്രെഡിനാണ് കൂടുതല്‍ വരുമാനം ഉണ്ടാക്കുവാനുള്ള സാധ്യതയെന്നും അതിനാല്‍ തന്നെ ഇതിനെ ഒഴിവാക്കി എന്ന തരത്തിലുള്ള വാര്‍ത്തകളെല്ലാം തന്നെ അഭ്യൂഹം മാത്രമാണെന്ന് ടോം ഹാരിസണ്‍ വ്യക്തമാക്കി.