ധോണി അഞ്ചാമനായി ഇറങ്ങുന്നതാണ് ഏറ്റവും നല്ലതെന്നാണ് തന്റെ അഭിപ്രായം: കോഹ്‍ലി

Sports Correspondent

Download the Fanport app now!
Appstore Badge
Google Play Badge 1

അഡിലെയ്ഡില്‍ ഇന്ത്യ ഉപയോഗിച്ച ബാറ്റിംഗ് ലൈനപ്പാണ് തന്റെ അഭിപ്രായത്തില്‍ ഇന്ന് ടീമിനു ഏറ്റവും അനുയോജ്യമെന്ന് അഭിപ്രായപ്പെട്ട് ഇന്ത്യന്‍ നായകന്‍ വിരാട് കോഹ്‍ലി. മെല്‍ബേണില്‍ ഇന്ത്യ ആ ലൈനപ്പില്‍ നിന്ന് മൂന്ന് മാറ്റം വരുത്തിയെങ്കിലും തന്റെ അഭിപ്രായത്തില്‍ ഇന്ന് ഇന്ത്യന്‍ ടീമിനു ഏറ്റവും അനുയോജ്യമായ ബാറ്റിംഗ് ലൈനപ്പ് അന്നത്തേതായിരുന്നുവെന്നാണ് കോഹ്‍ലി പറഞ്ഞത്.

ഹാര്‍ദ്ദിക് പാണ്ഡ്യ ടീമില്‍ ഇല്ലാത്തതിനാല്‍ ഇതാണ് തന്റെ അഭിപ്രായത്തില്‍ ഇന്ത്യയ്ക്ക് മികച്ച ലൈനപ്പ്. കോഹ്‍ലി അഞ്ചാം നമ്പറിലാണ് ഏറ്റവും മികച്ചതെന്നാണ് തന്റെ അഭിപ്രായം. എന്നാല്‍ നേരത്തെ രോഹിത് ശര്‍മ്മ ധോണി നാലാം നമ്പറില്‍ ഇറങ്ങണമെന്ന് അഭിപ്രായം പറഞ്ഞിരുന്നു. ധോണി നാലിലായാലും അഞ്ചിലായാലും ടീമിനു വേണ്ടി കളിക്കുന്ന താരമാണെന്നും കോഹ്‍ലി അഭിപ്രായപ്പെട്ടു.

2016ല്‍ നാലാം നമ്പറില്‍ ബാറ്റ് ചെയ്ത് തുടങ്ങിയ ധോണി അതിനു ശേഷം അഞ്ച്, ആറ് സ്ഥാനങ്ങളില്‍ ടീമിനായി ബാറ്റ് ചെയ്തിട്ടുണ്ട്. ടീമിന്റെ ആവശ്യം അനുസരിച്ച് തന്റെ സ്ഥാനത്തില്‍ മാറ്റം വരുത്താന്‍ തയ്യാറായിട്ടുള്ള താരമാണ് ധോണി. കേധാര്‍ ജാഥവും വിജയ് ശങ്കറും ഇലവനില്‍ സ്ഥാനം പിടിച്ചതോണ്ടാണ് ധോണിയെ മെല്‍ബേണില്‍ നാലാം നമ്പറില്‍ ഇറക്കിയതെന്നും കോഹ്‍ലി പറഞ്ഞു.

റായിഡു ഇല്ലാത്തതിനാലും ദിനേശ് കാര്‍ത്തിക് ആറാം നമ്പറില്‍ മികവ് പുലര്‍ത്തുന്നതിനാലുമാണ് ഈ മാറ്റം ടീം വരുത്തിയത്. കേധാര്‍ ടൂര്‍ണ്ണമെന്റിലെ ആദ്യ മത്സരം കളിക്കുന്നതിനാലും നാലാം നമ്പറില്‍ താരത്തെ പരീക്ഷിക്കേണ്ടെന്ന് മാനേ്മെന്റ് തീരുമാനിച്ചിരുന്നു. ആദ്യ രണ്ട് മത്സരങ്ങളിലും മികവ് പുലര്‍ത്തിയ ധോണിയെ നാലാം നമ്പറില്‍ ഇറക്കാന്‍ അത്തരത്തിലാണ് തീരമാനിച്ചത്.