ടി20യില്‍ ജയം സ്വന്തമാക്കി ശ്രീലങ്ക, ധനന്‍ജയ ഡി സില്‍വ കളിയിലെ താരം

Sports Correspondent

Download the Fanport app now!
Appstore Badge
Google Play Badge 1

ദക്ഷിണാഫ്രിക്കയെ 98 റണ്‍സിനു ഓള്‍ഔട്ട് ആക്കിയ ശേഷം ലക്ഷ്യം പിന്തുടരാനിറങ്ങിയ ശ്രീലങ്കയുടെ പ്രയാണം അത്ര എളുപ്പമായിരുന്നില്ലെങ്കിലും ധനന്‍ജയ ഡിസില്‍വയും ദിനേശ് ചന്ദിമലും ചേര്‍ന്ന് ടീമിനെ വിജയത്തിലേക്ക് നയിച്ചതോടെ ഏക ടി20 മത്സരം സ്വന്തമാക്കി ശ്രീലങ്ക ടി20 പരമ്പര കൈക്കലാക്കി. 16ാം ഓവറില്‍ ഏഴ് വിക്കറ്റുകളുടെ നഷ്ടത്തിലാണ് ടീം ഈ സ്കോര്‍ നേടിയത്. ഒരു ഘട്ടത്തില്‍ 82/4 എന്ന നിലയില്‍ ശ്രീലങ്ക തുടരെ വിക്കറ്റുകള്‍ നഷ്ടപ്പെടുത്തി സമ്മര്‍ദ്ദത്തില്‍ സ്വയം അകപ്പെട്ടുവെങ്കിലും 36 റണ്‍സുമായി പുറത്താകാതെ നിന്ന ദിനേശ് ചന്ദിമല്‍ ടീമിന്റെ വിജയം ഉറപ്പാക്കി. 31 റണ്‍സ് നേടിയ ധനന്‍ജയ ഡി സില്‍വയാണ് കളിയിലെ താരം. ദക്ഷിണാഫ്രിക്കയ്ക്കായി ജൂനിയര്‍ ഡാല, കാഗിസോ റബാഡ, തബ്രൈസ് ഷംസി എന്നിവര്‍ രണ്ട് വീതം വിക്കറ്റ് നേടി.

നേരത്തെ ആദ്യം ബാറ്റ് ചെയ്ത ദക്ഷിണാഫ്രിക്ക 16.4 ഓവറില്‍ 98 റണ്‍സിനു ഓള്‍ഔട്ട് ആവുകയായിരുന്നു. 20 റണ്‍സ് നേടിയ ക്വിന്റണ്‍ ഡിക്കോക്ക് ആണ് ടോപ് സ്കോറര്‍. റീസ ഹെന്‍ഡ്രിക്സ്(19), ഹെയിന്‍റിച്ച് ക്ലാസെന്‍(18), ഡേവിഡ് മില്ലര്‍(14) എന്നിവരാണ് റണ്‍സ് കണ്ടെത്തിയ താരങ്ങള്‍. ലക്ഷന്‍ സണ്ടകന്‍ 3 വിക്കറ്റും ധനന്‍ജയ ഡി സില്‍വ, അകില ധനന്‍ജയ എന്നിവര്‍ രണ്ട് വീതം വിക്കറ്റും നേടി.

കൂടുതൽ കായിക വാർത്തകൾക്ക് : www.facebook.com/FanportOfficial