രക്ഷകനായി ധനന്‍ജയ ഡി സില്‍വ, താരത്തിന്റെ അഞ്ചാം ശതകം ശ്രീലങ്കയെ നയിച്ചത് മാന്യമായ സ്കോറിലേക്ക്

- Advertisement -

93/4 എന്ന നിലയില്‍ ശ്രീലങ്കയ്ക്കായി ബാറ്റിംഗ് ക്രീസിലെത്തിയ ധനന്‍ജയയ്ക്ക് മറുവശത്ത് വിക്കറ്റുകള്‍ വീഴുന്നത് കാണേണ്ടി വന്നുവെങ്കിലും ഒറ്റയ്ക്ക് പൊരുതി ലങ്കയെ മാന്യമായ സ്കോറിലേക്ക് നയിക്കുകയാണ് ഈ മധ്യനിര താരം. 130/6 എന്ന നിലയിലേക്ക് വീണ ശ്രീലങ്ക ചുരുങ്ങിയ സ്കോറിന് പുറത്താകുമെന്നാണ് കരുതിയതെങ്കിലും മറ്റ് പദ്ധതികളുമായാണ് ഡി സില്‍വ ക്രീസിലെത്തിയത്. തന്റെ അഞ്ചാം ശതകം നേടിയപ്പോള്‍ വ്യക്തിഗത നേട്ടം മാത്രമല്ല താരം സ്വന്തമാക്കിയത്. രണ്ടാം ടെസ്റ്റില്‍ പൊരുതി നോക്കുവാന്‍ ലങ്കന്‍ ബൗളര്‍മാര്‍ക്ക് വേണ്ട ഒരു സ്കോര്‍ കൂടിയാണ് താരം നേടികൊടുത്തത്.

109 റണ്‍സ് നേടിയ താരം ഇന്നിംഗ്സിലെ അവസാന വിക്കറ്റായി പുറത്തായപ്പോള്‍ 16 ബൗണ്ടറിയും 2 സിക്സും നേടിയിരുന്നു. 244 റണ്‍സിനാണ് ലങ്കയുടെ ഒന്നാം ഇന്നിംഗ്സ് അവസാനിച്ചത്. ട്രെന്റ് ബോള്‍ട്ട് മൂന്നും ടിം സൗത്തി 4 വിക്കറ്റും നേടിയാണ് ന്യൂസിലാണ്ട് ബൗളര്‍മാരില്‍ തിളങ്ങിയത്.

Advertisement