പുറത്ത് വരുന്ന വാര്‍ത്തകള്‍ പ്രകാരം ഡീന്‍ ജോണ്‍സ് പാക്കിസ്ഥാന്‍ പരിശീലകനാകുവാനുള്ള അപേക്ഷ നല്‍കിയതായാണ് അറിയുവാന്‍ കഴിയുന്നത്. മിസ്ബ ഉള്‍ ഹക്കിനെ കോച്ചിംഗ് സ്ഥാനത്തേക്ക് പാക്കിസ്ഥാന്‍ പരിഗണിച്ചേക്കുമെന്ന വാര്‍ത്ത പുറത്ത് വരുന്നതിനിടെയാണ് ഈ പുതിയ വിവരം എത്തുന്നത്. പാക്കിസ്ഥാന്‍ സൂപ്പര്‍ ലീഗുമായി സഹകരിച്ചത് വഴി പാക്കിസ്ഥാന്‍ ക്രിക്കറ്റുമായി അടുത്ത ബന്ധമുള്ളയാളാണ് ഡീന്‍ ജോണ്‍സ്.
ഇസ്ലാമാബാദ് യുണൈറ്റഡിന്റെ കോച്ചായിരുന്നപ്പോള്‍ കിരീടം നേടുവാന്‍ ടീമിനെ സഹായിച്ചത് ഡീന്‍ ജോണ്‍സായിരുന്നു. അന്നത്തെ ടീമിന്റെ നായകനായിരുന്ന മിസ്ബയാണ് മറ്റൊരു പ്രധാന സ്ഥാനാര്‍ത്ഥി എന്നതും രസകരമായ വസ്തുതയാണ്.
