എട്ടില്‍ എട്ടും വിജയിച്ച് ട്രിന്‍ബാഗോ നൈറ്റ് റൈഡേഴ്സ്, പാട്രിയറ്റ്സിനെതിരെ 59 റണ്‍സ് ജയം

- Advertisement -

കരീബിയന്‍ പ്രീമിയര്‍ ലീഗിലെ അപരാജിത കുതിപ്പ് തുടര്‍ന്ന് ട്രിന്‍ബാഗോ നൈറ്റ് റൈഡേഴ്സ്. ഇന്ന് പ്രമുഖ താരങ്ങള്‍ക്ക് വിശ്രമം കൊടുത്ത് കളത്തിലിറങ്ങിയ ടീം ലെന്‍ഡല്‍ സിമ്മണ്‍സ് നേടിയ 96 റണ്‍സിന്റെ മികവില്‍ 174/4 എന്ന സ്കോര്‍ നേടുകയായിരുന്നു. മറുപടി ബാറ്റിംഗിനിറങ്ങി സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സിനെ 7 വിക്കറ്റ് നഷ്ടത്തില്‍ 115 എന്ന സ്കോറില്‍ പിടിച്ച് കെട്ടി 59 റണ്‍സിന്റെ വിജയമാണ് ട്രിന്‍ബാഗോ സ്വന്തമാക്കിയത്.

34 റണ്‍സ് നേടിയ ക്രിസ് ലിന്‍ പാട്രിയറ്റ്സിന്റെ ടോപ് സ്കോറര്‍ ആയെങ്കിലും 46 പന്താണ് താരം ഈ സ്കോര്‍ നേടുവാന്‍ എടുത്തത്. ജോഷ്വ ഡാ സില്‍വ് 29 റണ്‍സും നേടി. സിക്കന്ദര്‍ റാസ മൂന്ന് വിക്കറ്റുമായി ട്രിന്‍ബാഗോ വിക്കറ്റ് നേട്ടത്തില്‍ മുമ്പില്‍ നിന്നു.

Advertisement