പ്രശ്നങ്ങള്‍ പരിഹരിച്ചു, ചാമിന്ദ വാസ് ശ്രീലങ്കയുടെ ഫാസ്റ്റ് ബൗളിംഗ് കണ്‍സള്‍ട്ടന്റായി തുടരും

Sports Correspondent

Download the Fanport app now!
Appstore Badge
Google Play Badge 1

ചാമിന്ദ വാസ് ശ്രീലങ്കയുടെ ഫാസ്റ്റ് ബൗളിംഗ് കണ്‍സള്‍ട്ടന്റായി തുടരും. വാസുമായുള്ള പ്രശ്നങ്ങള്‍ പരിഹരിച്ചതായി ശ്രീലങ്കന്‍ ബോര്‍ഡ് വ്യക്തമാക്കുകയായിരുന്നു. ശ്രീലങ്കന്‍ ഫാസ്റ്റ് ബൗളിംഗ് കണ്‍സള്‍ട്ടന്റായി ചുമതലയേറ്റെടുത്ത വാസ് മൂന്ന് ദിവസത്തിന് ശേഷം വേതനം സംബന്ധിച്ച പ്രശ്നങ്ങള്‍ കാരണം രാജി വയ്ക്കുവാന്‍ തീരുമാനിക്കുകയായിരുന്നു. ലങ്കന്‍ ടീം വെസ്റ്റിന്‍ഡീസിലേക്ക് യാത്രയാകുന്നതിന് തൊട്ടു മുമ്പായിരുന്നു വാസിന്റെ ഈ തീരുമാനം.

ശ്രീലങ്കന്‍ ബോര്‍ഡും വാസുമായി നടത്തിയ ചര്‍ച്ചയില്‍ താരത്തിന്റെ രാജിയിലേക്ക് നയിച്ച കാര്യങ്ങള്‍ക്ക് പരിഹാരം ഉണ്ടാക്കിയെന്നാണ് ലങ്കന്‍ ബോര്‍ഡ് അറിയിച്ചത്. തന്റെ രാജിക്കത്ത് വാസ് പിന്‍വലിച്ചുവെന്നും ബോര്‍ഡ് അറിയിച്ചു. വിദേശ കോച്ചുമാര്‍ക്ക് നല്‍കുന്ന അത്രയും തന്നെ വേതനം ലങ്കന്‍ കോച്ചുമാര്‍ക്കും നല്‍കണമെന്നായിരുന്നു വാസിന്റെ ആവശ്യം.