ശ്രീലങ്കയുമായുള്ള ടെസ്റ്റ് പരമ്പരയുമായി മുന്നോട്ട് പോകുന്നത് സംബന്ധിച്ച് വ്യക്തത വരുത്തി ബംഗ്ലാദേശ്. ശ്രീലങ്കന്‍ നിയമപ്രകാരം 14 ദിവസത്തെ പൂര്‍ണ്ണ ഐസൊലേഷന്‍ സാധ്യമല്ലെന്നും അത് ഏഴ് ദിവസമാണെങ്കില്‍ മാത്രം പരമ്പരയുമായി മുന്നോട്ട് പോകാമെന്ന് അറിയിച്ച് ബംഗ്ലാദേശ് ക്രിക്കറ്റ് ബോര്‍ഡ് ചീഫ് നിസാമ്മുദ്ദീന്‍ ചൗധരി.
നേരത്തെ ശ്രീലങ്കയില്‍ നിന്ന് ലഭിച്ച വിവരം പ്രകാരം രാജ്യത്തെത്തുന്ന ആരായാലും 14 ദിവസത്തെ ക്വാറന്റീന്‍ നിര്‍ബന്ധമാണെന്നാണ്. കായിക താരങ്ങള്‍ക്ക് ബയോ ബബിളില്‍ പരിശീലനം പോലും ഈ സമയത്ത് പറ്റില്ലെന്നാണ് ആരോഗ്യ വകുപ്പ് അറിയിച്ചതോടെ. ഇതോടെ ബംഗ്ലാദേശ് ബോര്‍ഡ് തങ്ങളുടെ നിലപാട് അറിയിക്കുകയായിരുന്നു.
ക്വാറന്റീന്‍ കാലം കുറയ്ക്കുവാനുള്ള ശ്രമങ്ങള്‍ ലങ്കന്‍ ബോര്‍ഡ് നടത്തി വരികയാണെന്ന് തങ്ങളോട് അറിയിച്ചിട്ടുണ്ടെന്ന് നിസാമ്മുദ്ദിന് ചൗധരി അറിയിച്ചു.
