ബിഗ് ബാഷില്‍ ഇന്ന് പോരാട്ടം രണ്ടാം സ്ഥാനക്കാരായ അഡിലെയ്ഡ് സ്ട്രൈക്കേഴ്സും നാലാം സ്ഥാനക്കാരായ മെല്‍ബേണ്‍ റെനഗേഡ്സും തമ്മില്‍. ടൂര്‍ണ്ണമെന്റ് അവസാന ഘടത്തിലേക്ക് കടക്കുമ്പോള്‍ റെനഗേഡ്സിനു ഇന്നത്തെ മത്സരം നിര്‍ണ്ണായകമാണ്. 7 മത്സരങ്ങളില്‍ നിന്ന് 8 പോയിന്റുമായി നാലാം സ്ഥാനത്തുള്ള റെനഗേഡ്സിനൊപ്പം 8 പോയിന്റുമായി സിഡ്നി തണ്ടറും ബ്രിസ്ബെയിന്‍ ഹീറ്റുമുണ്ട്. ഇരു ടീമുകളും രണ്ട് മത്സരം അധികം കളിച്ചു എന്നതാണ് റെനഗേഡ്സിനു അനുകൂലമായ ഘടകം. 12 പോയിന്റുമായി സ്ട്രൈക്കേഴ്സ് ഫൈനല്‍ ഏറെക്കുറെ ഉറപ്പിച്ചു കഴിഞ്ഞിരിക്കുകയാണ്.
അഡിലെയ്ഡ് സ്ട്രൈക്കേഴ്സ്: അലക്സ് കാറേ, ജേക്ക് വെത്തറാള്‍ഡ്, ട്രാവിസ് ഹെഡ്, കോളിന്‍ ഇന്‍ഗ്രാം, ജേക്ക് ലേമാന്‍, ജോനാഥന്‍ വെല്‍സ്, മൈക്കല്‍ നേസേര്‍, പീറ്റര്‍ സിഡില്‍, ബെന്‍ ലൗഗ്ലിന്‍, ബില്ലി സ്റ്റാന്‍ലേക്ക്
മെല്‍ബേണ്‍ റെനഗേഡ്സ്: മാര്‍ക്ക്സ് ഹാരിസ്, ടിം ലൂഡേമന്‍, കാമറൂണ്‍ വൈറ്റ്, ടോം കൂപ്പര്‍, ഡ്വെയിന്‍ ബ്രാവോ, ബ്രാഡ് ഹോഡ്ജ്, കീറണ്‍ പൊള്ളാര്‍ഡ്, ജാക്ക് വൈല്‍ഡര്‍മത്ത്, ക്രിസ് ട്രെമൈന്‍, കെയിന്‍ റിച്ചാര്‍ഡ്സണ്‍, ബ്രാഡ് ഹോഗ്
കൂടുതൽ കായിക വാർത്തകൾക്ക് : www.facebook.com/FanportOfficial
