ബിഗ് ബാഷില്‍ കസറി ഇന്ത്യന്‍ വംശജന്‍, മഴ നിയമത്തില്‍ 15 റണ്‍സ് ജയം നേടി സിഡ്നി തണ്ടര്‍

- Advertisement -

മെല്‍ബേണ്‍ സ്റ്റാര്‍സിനെതിരെ 15 റണ്‍സിന്റെ വിജയം നേടി സിഡ്നി തണ്ടര്‍. ഇന്ന് നടന്ന മത്സരത്തില്‍ മഴ കളി തടസ്സപ്പെടുത്തിയപ്പോള്‍ ഡക്ക് വര്‍ത്ത് ലൂയിസ് നിയമപ്രകാരം ലക്ഷ്യം പുനഃക്രമീകരിക്കുകയായിരുന്നു. എന്നാല്‍ സിഡ്നി തണ്ടറിന്റെ 181/5 എന്ന ലക്ഷ്യം 8 ഓവറില്‍ 90 ആക്കിയെങ്കിലും മെല്‍ബേണ്‍ സ്റ്റാര്‍സിനു 74 റണ്‍സ് മാത്രമേ നേടാനായുള്ളു.

സിഡ്നി തണ്ടറിനു വേണ്ടി വേണ്ടി ജേസണ്‍ സംഘയുടെ വെടിക്കെട്ട് പ്രകടനമാണ് ടീമിനെ കൂറ്റന്‍ സ്കോറിലേക്ക് നയിച്ചത്. സംഘ 36 പന്തില്‍ 4 ബൗണ്ടറിയും 4 സിക്സും സഹിതം 63 റണ്‍സാണ് നേടിയത്. ഡാനിയേല്‍ സാംസ് 34 റണ്‍സ് നേടി. ജോസ് ബട്ലര്‍(20), ഷെയിന്‍ വാട്സണ്‍(22) എന്നിവരാണ് മറ്റു സുപ്രധാന സ്കോറര്‍മാര്‍. ആഡം സംപ, സന്ദീപ് ലാമിച്ചാനെ എന്നിവര്‍ രണ്ട് വീതം വിക്കറ്റ് നേടിയപ്പോള്‍ ഡ്വെയിന്‍ ബ്രാവോ ഒരു വിക്കറ്റ് നേടി.

പുനഃക്രമീകരിച്ച ലക്ഷ്യം തേടിയുള്ള സ്റ്റാര്‍സിന്റെ തുടക്കം പാളുകയായിരുന്നു. 33/5 എന്ന നിലയിലേക്ക് വീണ ടീം പിന്നീട് കരകയറിയില്ല. 28 റണ്‍സ് നേടിയ നിക്ക് ലാര്‍ക്കിന്‍ ആണ് ടീമിന്റെ ടോപ് സ്കോറര്‍. ഡാനിയേല്‍ സാംസ് മൂന്ന് വിക്കറ്റ് നേടി തണ്ടറിനു വേണ്ടി തിളങ്ങി.

Advertisement