ബിഗ് ബാഷിന് താനുണ്ടാവില്ലെന്ന് അറിയിച്ച് എബി ഡി വില്ലിയേഴ്സ്

Abdevilliers
- Advertisement -

ഈ വര്‍ഷത്തെ ബിഗ് ബാഷ് ലീഗില്‍ തന്റെ സേവനം ഉണ്ടാകില്ലെന്ന് അറിയിച്ച് എബി ഡി വില്ലിയേഴ്സ്. ബ്രിസ്ബെയിന്‍ ഹീറ്റിന് വേണ്ടി കളിക്കുവാനിരുന്ന താരം ഈ വര്‍ഷം ടീമിനൊപ്പമുണ്ടാകില്ലെന്ന് അറിയിച്ചു. തന്റെ മൂന്നാമത്തെ കുഞ്ഞിന്റെ ജനനത്തോടനുബന്ധിച്ച് ഭാര്യയോടൊപ്പം സമയം ചെലവഴിക്കുവാനായാണ് എബിഡി ഈ തീരുമാനം എടുത്തത്.

അതേ സമയം പകരക്കാരന്‍ താരമായി ബ്രിസ്ബെയിന്‍ ഹീറ്റ് അഫ്ഗാനിസ്ഥാന്‍ താരം മുജീബ് ഉര്‍ റഹ്മാനെ സ്വന്തമാക്കിയിട്ടുണ്ട്. കഴിഞ്ഞ സീസണില്‍ ബിഗ്ബാഷില്‍ ഹീറ്റിനായി ഡി വില്ലിയേഴ്സിന് 146 റണ്‍സാണ് നേടാനായത്. എന്നാല്‍ ഐപിഎലില്‍ മികച്ച ഫോമിലാണ് താരം കളിക്കുന്നത്.

ഇതുവരെ ഈ സീസണില്‍ റോയല്‍ ചലഞ്ചേഴ്സ് ബാംഗ്ലൂരിനായി ഡി വില്ലിയേഴ്സ് 324 റണ്‍സാണ് നേടിയിട്ടുള്ളത്.

Advertisement