ഐപിഎലിനിടെ പരിക്കേറ്റ ബെന്‍ സ്റ്റോക്സ് നീണ്ട ഇടവേളയ്ക്ക് ശേഷം തിരികെ എത്തുന്നു. ടി20 ബ്ലാസ്റ്റിൽ ഡര്‍ഹത്തിന് വേണ്ടി കളിച്ച് കൊണ്ടാകും ബെന്‍ സ്റ്റോക്സ് ക്രിക്കറ്റിലേക്ക് വീണ്ടും മടങ്ങിയെത്തുന്നത്. മൂന്ന് വര്‍ഷത്തിൽ ഇതാദ്യമായിട്ടാണ് സ്റ്റോക്സ് ഡര്‍ഹത്തിന് വേണ്ടി ടി20 ബ്ലാസ്റ്റിൽ ആദ്യമായി കളിക്കുന്നത്.
ഓഗസ്റ്റ് അഞ്ചിന് ആരംഭിയ്ക്കുന്ന ഇന്ത്യയ്ക്കെതിരെയുള്ള ടെസ്റ്റ് പരമ്പരയിൽ താരത്തിന്റെ മടങ്ങി വരവ് സാധ്യമാകുമോ എന്നാണ് ഇംഗ്ലണ്ട് ബോര്‍ഡ് ഇപ്പോൾ ഉറ്റുനോക്കുന്നത്. ഡര്‍ഹത്തിന്റെ എല്ലാ മത്സരങ്ങളിലും താരം കളിക്കില്ലെന്നുമാണ് അറിയുന്നത്.
