ബംഗ്ലാദേശിനെതിരെ ആദ്യ ഏകദിനത്തിൽ 215 റൺസ് മാത്രം നേടി അഫ്ഗാനിസ്ഥാന്‍. ടോസ് നേടി ബാറ്റിംഗ് തിരഞ്ഞെടുത്ത ടീമിന്റെ തുടക്കം പാളുകയായിരുന്നു. പിന്നീട് വന്ന താരങ്ങള്‍ക്കും സ്കോറിംഗ് വേഗത്തിലാക്കുവാന്‍ സാധിക്കാതെ പോയപ്പോള്‍ 49.1 ഓവറിൽ അഫ്ഗാനിസ്ഥാന്‍ ഓള്‍ഔട്ട് ആകുകയായിരുന്നു.
67 റൺസ് നേടിയ നജീബുള്ള സദ്രാന്‍ ആണ് ടീമിന്റെ ടോപ് സ്കോറര്‍. റഹ്മത് ഷാ 34 റൺസ് നേടിയപ്പോള്‍ ഹസ്മത്തുള്ള ഷഹീദിയും(28), മുഹമ്മദ് നബിയും(20) വേഗത്തിൽ പുറത്തായി. നജീബുള്ള 49ാം ഓവറിലാണ് പുറത്തായത്.
ബംഗ്ലാദേശിന് വേണ്ടി മുസ്തഫിസുര്‍ റഹ്മാന്‍ മൂന്നും ഷൊറിഫുള്‍ ഇസ്ലാമും ഷാക്കിബ് അൽ ഹസനും ടാസ്കിന്‍ അഹമ്മദും രണ്ട് വീതം വിക്കറ്റ് നേടി.
