വാര്‍ണര്‍ക്കും ശസ്ത്രക്രിയ

ബംഗ്ലാദേശ് പ്രീമിയര്‍ ലീഗിനിടെ കൈമുട്ടിനു പരിക്കേറ്റ ഡേവിഡ് വാര്‍ണര്‍ ശസ്ത്രക്രിയയ്ക്ക് വിധേയനാകും. ബംഗ്ലാദേശില്‍ നിന്ന് നാട്ടിലേക്ക് മടങ്ങിയെത്തുന്ന വാര്‍ണറുടെ ശസ്ത്രക്രിയ നാളെയാവും നടക്കുക. ഒരാഴ്ച സ്ലിംഗ് ധരിച്ച ശേഷം മൂന്നാഴ്ച ശേഷം മാത്രമേ താരത്തിനു പൂര്‍ണ്ണമായും ട്രെയിനിംഗ് പുനരാരംഭിക്കാനാവൂ. നേരത്തെ സ്റ്റീവന്‍ സ്മിത്തിനു ബംഗ്ലാദേശ് പ്രീമിയര്‍ ലീഗിനിടെ പരിക്കേറ്റ് ശസ്ത്രക്രിയ വേണ്ടി വന്നിരുന്നു.

മാര്‍ച്ച് 28നു തങ്ങളുടെ വിലക്കുകള്‍ അവസാനിച്ച് ഓസ്ട്രേലിയന്‍ ടീമിലേക്ക് മടങ്ങിയെത്താനിരിക്കെയാണ് താരങ്ങളുടെ ശ്രമങ്ങള്‍ക്ക് തിരിച്ചടിയായി ശസ്ത്രക്രിയകള്‍ വേണ്ടി വന്നിരിക്കുന്നത്.