ബംഗ്ലാദേശ് പ്രീമിയര്‍ ലീഗില്‍ നിന്ന് നാട്ടിലേക്ക് മടങ്ങി സ്റ്റീവ് സ്മിത്ത്. തന്റെ കൈമുട്ടിനേറ്റ പരിക്കിന്റെ എംആര്‍ഐ സ്കാനിംഗിനു വേണ്ടിയാണ് സ്മിത്ത് ഉടനടി നാട്ടിലേക്ക് മടങ്ങിയത്. കോമില്ല വിക്ടോറിയന്‍സ് നായകനായ സ്മിത്ത് പരിശോധനയ്ക്ക് ശേഷം കാര്യമായ പരിക്കില്ലെങ്കില്‍ തിരികെ ടീമിനൊപ്പം ചേരുമെന്നാണ് കരുതുന്നത്.
രണ്ട് മത്സരങ്ങളില്‍ നിന്ന് വലിയ റണ്‍സ് ഒന്നും കണ്ടെത്തുവാന്‍ സ്മിത്തിനു സാധിച്ചിരുന്നില്ല. ആദ്യ മത്സരത്തില്‍ 16 റണ്‍സ് നേടിയ സ്മിത്ത് രണ്ടാം മത്സരത്തില്‍ പൂജ്യത്തിനു പുറത്താകുകയായിരുന്നു. അടുത്ത രണ്ട് മത്സരങ്ങള്‍ എന്തായാലും താരത്തിന്റെ സേവനം കോമില്ല വിക്ടോറിയന്‍സിനു നഷ്ടമാകുമെന്ന് ഉറപ്പാണ്.
