മഷ്റഫെ മൊര്‍തസയുടെ ബൗളിംഗ് മികവില്‍ കോമില്ല വിക്ടോറിയന്‍സിനെതിരെ 9 വിക്കറ്റ് വിജയം സ്വന്തമാക്കി രംഗ്പൂര്‍ റൈഡേഴ്സ്. സ്റ്റീവന്‍ സ്മിത്ത് ഉള്‍പ്പെടെ ടോപ് ഓര്‍ഡറിലെ നാല് വിക്കറ്റുകള്‍ മൊര്‍തസ വീഴ്ത്തിയപ്പോള്‍ കരകയറാനാകാതെ കോമില്ല വിക്ടോറിയന്‍സ് കീഴടങ്ങുകയായിരുന്നു. 16.2 ഓവറില്‍ 63 റണ്‍സിനു ടീം ഓള്‍ഔട്ട് ആയപ്പോള്‍ 25 റണ്‍സ് നേടിയ ഷാഹിദ് അഫ്രീദിയാണ് ടീമിന്റെ ടോപ് സ്കോറര്‍. മറ്റാര്‍ക്കും തന്നെ വിക്ടോറിയന്‍സിനായി രണ്ടക്കം കടക്കാനായില്ല. നസ്മുള്‍ ഇസ്ലാം മൂന്നും ഷൈഫുള്‍ ഇസ്ലാം രണ്ടും വിക്കറ്റ് നേടി.
ക്രിസ് ഗെയില്‍ പരാജയപ്പെട്ടുവെങ്കിലും മെഹ്ദി മാറൂഫ്(36*), റീലി റൂസോ(20*) എന്നിവര്‍ ചേര്‍ന്ന് ടീമിന്റെ വിജയം 12 ഓവറില്‍ സാധ്യമാക്കുകയായിരുന്നു.
