സിംബാബ്‍വേയ്ക്കെതിരെ ധാക്ക ടെസ്റ്റില്‍ കൂറ്റന്‍ സ്കോര്‍ നേടി ബംഗ്ലാദേശ്. മുഷ്ഫിക്കുര്‍ റഹിം 203 റണ്‍സ് നേടി പുറത്താകാതെ നിന്നപ്പോള്‍ 154 ഓവറില്‍ 560/6 എന്ന സ്കോറില്‍ ബംഗ്ലാദേശ് തങ്ങളുടെ ഒന്നാം ഇന്നിംഗ്സ് ഡിക്ലയര്‍ ചെയ്യുകയായിരുന്നു. മോമിനുള്‍ ഹക്ക് 132 റണ്‍സ് നേടിയപ്പോള്‍ ലിറ്റണ്‍ ദാസ് 53 റണ്‍സ് നേടി.
മൂന്നാം ദിവസം അവസാനിക്കുമ്പോള്‍ സിംബാബ്‍വേ തങ്ങളുടെ രണ്ടാം ഇന്നിംഗ്സില്‍ രണ്ട് വിക്കറ്റ് നഷ്ടപ്പെട്ട് നില്‍ക്കുകയാണ്. 9/2 എന്ന നിലയിലുള്ള ടീം 286 റണ്‍സ് പിന്നിലായാണ് ഇപ്പോള്‍ നില്‍ക്കുന്നത്. ഇന്നിംഗ്സ് തോല്‍വി ഒഴിവാക്കുക എന്ന ശ്രമകരമായ ദൗത്യമാണ് സിംബാബ്‍വേയ്ക്ക് മുന്നിലുള്ളത്. നയീം ഹസനാണ് രണ്ട് വിക്കറ്റും ലഭിച്ചത്.
