ദക്ഷിണാഫ്രിക്കയിൽ ചരിത്രത്തിൽ ആദ്യമായി ഒരു വിജയം നേടിയ ബംഗ്ലാദേശ് ഇന്ന് പരമ്പര കൂടി സ്വന്തമാക്കി പുതു ചരിത്രം സൃഷ്ടിച്ചിരിക്കുകയാണ്. ഇന്നാദ്യം ബാറ്റ് ചെയ്ത ദക്ഷിണാഫ്രിക്കയെ 154 റൺസിന് ഓള്‍ഔട്ട് ആക്കിയ ശേഷം 26.3 ഓവറിൽ ആണ് ബംഗ്ലാദേശ് തങ്ങളുടെ ചരിത്ര വിജയം കുറിയ്ക്കുന്നത്.
127 റൺസാണ് ഓപ്പണര്‍മാരായ തമീമും – ലിറ്റൺ ദാസും ചേര്‍ന്ന് നേടിയത്. 48 റൺസ് നേടിയ ദാസിനെ കേശവ് മഹാരാജ് പുറത്താക്കുകയായിരുന്നു. പിന്നീട് തമീം ഇക്ബാല്‍ നേടിയ 87 റൺസിനൊപ്പം 18 റൺസുമായി ഷാക്കിബും ടീമിനെ 9 വിക്കറ്റ് വിജയത്തിലേക്ക് നയിച്ചു.
