പവര്‍ പ്ലേയില്‍ ബംഗ്ലാദേശ് മികച്ച് നിന്നു, അവസാന അഞ്ചോവറിലാണ് കളി മാറ്റുവാന്‍ തങ്ങള്‍ക്കായത്

- Advertisement -

ടീമെന്ന നിലയില്‍ അഫ്ഗാനിസ്ഥാന്‍ നേടിയ വിജയമാണ് ഇന്നലെ ബംഗ്ലാദേശിനെതിരെയുള്ളതെന്ന് പറഞ്ഞ് മുഹമ്മദ് നബി. കളിയിലെ താരമായി മാറിയ നബിയുടെ പുറത്താകാതെ 84 റണ്‍സ് നേട്ടമാണ് അഫ്ഗാനിസ്ഥാനെ പൊരുതാവുന്ന സ്കോറിലേക്ക് നയിച്ചത്. 54 പന്തില്‍ നിന്ന് 7 സിക്സും മൂന്ന് ഫോറും അടക്കമാണ് നബിയുടെ ഈ മിന്നും പ്രകടനം. പവര്‍ പ്ലേയില്‍ മികച്ച രീതിയില്‍ സമ്മര്‍ദ്ദം സൃഷ്ടിക്കുവാന്‍ ബംഗ്ലാദേശിനായന്ന് നബി സമ്മതിച്ചു.

എന്നാല്‍ താനും അസ്ഗര്‍ അഫ്ഗാനും നിലയുറപ്പിച്ചപ്പോള്‍ കാര്യങ്ങള്‍ എളുപ്പമായെന്നും പിന്നീട് അവസാന അഞ്ചോവറില്‍ അടിച്ച് തകര്‍ക്കുവാന്‍ തനിക്കായെന്നും നബി പറഞ്ഞു. ടോപ് ഓര്‍ഡര്‍ താരങ്ങളുടെ ഷോട്ട് സെലക്ഷനാണ് ടീമിനെ സമ്മര്‍ദ്ദത്തിലാക്കിയതെന്ന് നബി വ്യക്തമാക്കി. 40/4 എന്ന നിലയില്‍ നിന്ന് അസ്ഗര്‍-നബി കൂട്ടുകെട്ട് 79 റണ്‍സ് നേടിയാണ് ടീമിനെ മുന്നോട്ട് നയിച്ചത്.

Advertisement