ബാബറിന്റെയും പെഷവാറിന്റെയും വിധി!!! 240നു മുകളിൽ എടുത്ത തുടർച്ചയായ രണ്ടാം മത്സരത്തിലും തോറ്റു

Newsroom

Picsart 23 03 10 23 46 35 608
Download the Fanport app now!
Appstore Badge
Google Play Badge 1

തുടർച്ചയായ രണ്ടാം മത്സരത്തിലും 240നു മുകളിൽ റൺസ് അടിച്ചിട്ടും പെഷവാർ സെൽമിക്ക് വിജയമില്ല. കഴിഞ്ഞ മത്സരത്തിൽ ക്വറ്റ ഗ്ലാഡിയേറ്റേഴ്സ് 241 ചെയ്സ് ചെയ്തപ്പോൾ ഇന്ന് മുൾത്താൻ സുൽത്താൻ 243 എന്ന വിജയ ലക്ഷ്യം മറികടന്ന പെഷവാറിനെ വീണ്ടും ദുഖത്തിലാക്കി. ഇന്ന് റാവൽപിണ്ടിയിലെ പിണ്ടി ക്ലബ് ഗ്രൗണ്ടിൽ 2023 പാകിസ്ഥാൻ സൂപ്പർ ലീഗിന്റെ 27-ാം മത്സരത്തിൽ മുളത്താൻ സുൽത്താൻസ് 5 പന്ത് ശേഷിക്കെ ആണ് വിജയം നേടിയത്. 51 പന്തിൽ നിന്ന് 121 റൺസ് എടുത്ത റിലി റുസോ അണ് സുൽത്താൻസിന് ജയം നൽകിയത്‌. 8 സിക്സും 12 ഫോറും അടങ്ങുന്നത് ആയിരുന്നു റുസോയുടെ ഇന്നിംഗ്സ്.

ബാബർ പെഷവാർ 23 03 10 21 37 04 075

പൊള്ളാർഡ് 25 പന്തിൽ 52 റൺസും എടുത്തു. അൻവർ അലി 9 പന്തിൽ നിന്ന് 24 റൺസുമായി പുറത്താകാതെ നിന്നു.

ആദ്യം ബാറ്റു ചെയ്ത പെഷവാർ സാൽമി 242/6 എന്ന സ്‌കോറാണ് നേടിയത്. ബാബർ അസം 39 പന്തിൽ ഒമ്പത് ബൗണ്ടറികളും രണ്ട് സിക്സും സഹിതം 73 റൺസ് നേടി. 33 പന്തിൽ അഞ്ച് ഫോറും നാല് സിക്സും ഉൾപ്പെടെ 58 റൺസെടുത്ത ഓപ്പണർ സെയ്ം അയൂബിൽ നിന്ന് മികച്ച പിന്തുണ ബാബറിനു ലഭിച്ചു. മുഹമ്മദ് ഹാരിസ് 11 പന്തിൽ നാല് സിക്‌സറുകൾ പറത്തി 35 റൺസും നേടി.