ബാബര്‍ അസം പാക്കിസ്ഥാന് വേണ്ടി കാലങ്ങളോളം നയിക്കുമെന്ന് മുഹമ്മദ് ഹഫീസ്, താരം തന്റെ ഇളയ സഹോദരനെ പോലെ

- Advertisement -

പാക്കിസ്ഥാന്റെ പുതിയ വൈറ്റ് ബോള്‍ നായകന്‍ ബാബര്‍ അസം തനിക്ക് തന്റെ ഇളയ സഹോദരനെ പോലെയാണെന്ന് അഭിപ്രായപ്പെട്ട് മുഹമ്മദ് ഫഹീസ്. പാക്കിസ്ഥാനെ കാലങ്ങളോം നയിക്കുമെന്ന് തനിക്ക് ഉറപ്പാണെന്ന് ഹഫീസ് വ്യക്തമാക്കി. പാക്കിസ്ഥാന്റെ മുന്‍ ക്യാപ്റ്റന്‍ കൂടിയായ ഹഫീസ് പറയുന്നത് താരം ക്യാപ്റ്റനായി കൂടുതല്‍ മത്സരങ്ങള്‍ ജയിച്ച് തുടങ്ങുമ്പോള്‍ അത് ബാബറിന്റെ ബാറ്റിംഗിനും ഗുണം ചെയ്യുമെന്നാണ്.

പാക്കിസ്ഥാന് വേണ്ടി ഇപ്പോള്‍ കളിച്ചിട്ടുള്ള അഞ്ച് വര്‍ഷത്തെ കരിയര്‍ മാത്രം പരിഗണിച്ചാല്‍ താരം ഭാവിയില്‍ ലോകം കീഴടക്കുവാന്‍ പോകുന്ന താരമാണെന്ന് അറിയാമെന്നും ഹഫീസ് വ്യക്തമാക്കി. താരത്തിന് എവിടെ എത്താമോ അവിടെ ഇതുവരെ താരം എത്തിപ്പിടിച്ചിട്ടില്ല എന്നും ഇപ്പോള്‍ കാണുന്നത് ചെറിയ ഒരു പ്രകടനം മാത്രമാണെന്നും വലിയ പ്രകടനങ്ങള്‍ വരാനിരിക്കുന്നതെയുള്ളുവന്നും ഹഫീസ് വ്യക്തമാക്കി.

Advertisement