മദ്യ ബ്രാൻഡിന്റെ ലോഗോയുള്ള ജേഴ്‌സി ധരിക്കാൻ വിസമ്മതിച്ച് പാകിസ്ഥാൻ താരം

- Advertisement -

മദ്യ ബ്രാൻഡിന്റെ ലോഗോയുള്ള ജേഴ്സി ധരിക്കാൻ വിസ്സമ്മതിച്ച് പാകിസ്ഥാൻ സൂപ്പർ താരം ബാബർ അസം. ഇംഗ്ലീഷ് കൗണ്ടിയിലെ ടി20 ബ്ലാസ്റ്റിൽ സോമർസെറ്റിന് വേണ്ടി കളിക്കുന്ന സമയത്താണ് താരം മദ്യ ബ്രാൻഡിന്റെ ലോഗോയുള്ള ജേഴ്സിധരിക്കില്ലെന്ന് പറഞ്ഞത്. പാകിസ്ഥാൻ ടീമിന്റെ ഇംഗ്ലണ്ട് പര്യടനത്തിന് ശേഷം ഇംഗ്ലണ്ടിൽ തങ്ങിയ താരം കഴിഞ്ഞ ദിവസം സോമർസെറ്റിന് വേണ്ടി കളിച്ചിരുന്നു.

എന്നാൽ ബാബർ അസം മത്സരത്തിൽ മധ്യ ബ്രാൻഡിന്റെ ലോഗോയുള്ള ജേഴ്സിയുമായാണ് ഇറങ്ങിയത്. തുടർന്ന് അത് തെറ്റുപറ്റിയതാണെന്നും ഇനിയുള്ള മത്സരങ്ങളിൽ താരം മദ്യ ബ്രാൻഡിന്റെ ലോഗോയുള്ള ജേഴ്സി ധരിക്കില്ലെന്നും ടീമുമായി ബന്ധപ്പെട്ടവർ വ്യക്തമാക്കിയിട്ടുണ്ട്. സോമർസെറ്റിന് വേണ്ടിയുള്ള തന്റെ ആദ്യ മത്സരത്തിൽ 42 റൺസ് എടുത്ത ബാബർ അസം ടീമിന് 16 റൺസിന്റെ വിജയം നേടി കൊടുത്തിരുന്നു.

Advertisement