ഇംഗ്ലണ്ടിനെതിരെയുള്ള ടെസ്റ്റ് പരമ്പരയില്‍ ഇന്ത്യന്‍ ടീം മാനേജ്മെന്റ് അശ്വിന്‍-കുല്‍ദീപ് സ്പിന്‍ കൂട്ടുകെട്ടിനെ ഇറക്കണമെന്ന് അഭിപ്രായപ്പെട്ട് മുഹമ്മദ് അസ്ഹറുദ്ദീന്‍. ഭുവനേശ്വര്‍ കുമാറിന്റെ ലഭ്യതയില്ലായ്മയും ജസ്പ്രീത് ബുംറയ്ക്ക് പരിക്കേറ്റതും ഇന്ത്യയ്ക്ക് തിരിച്ചടിയായി വിലയിരുത്താമെങ്കിലും ഈ സ്പിന്‍ കൂട്ടുകെട്ടിനു ഇന്ത്യയെ വിജയത്തിലേക്ക് നയിക്കാനാകുമെന്നാണ് മുഹമ്മദ് അസ്ഹറുദ്ദീന്‍ വിശ്വസിക്കുന്നത്.
പൊതുവേ വിദേശ പിച്ചുകളില്‍ ഇന്ത്യ ഏക സ്പിന്നറുമായാണ് കളിക്കാറുള്ളത്. എന്നാല്‍ കുല്‍ദീപിനെ നേരിടാന്‍ ഇംഗ്ലണ്ട് ഏകദിന-ടി20 പരമ്പരകളില്‍ ബുദ്ധിമുട്ടനുഭവിക്കുന്ന സാഹചര്യമുള്ളതിനാല്‍ ടീമില്‍ കുല്‍ദീപിനെ ഉള്‍പ്പെടുത്തണമെന്നാണ് ക്രിക്കറ്റ് പണ്ഡിതന്മാരുടെ പൊതുവേയുള്ള വിലയിരുതത്തല്‍. ജഡേജയെക്കാള്‍ കുല്‍ദീപിനാണ് അസ്ഹറുദ്ദീന്‍ അന്തിമ ഇലവനില്‍ സ്ഥാനം ലഭിക്കുവാന്‍ കൂടുതല്‍ സാധ്യത കല്പിക്കുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
