റെന്‍ഷായ്ക്ക് പകരം പാക്കിസ്ഥാന്‍ താരത്തെ ടീമിലെത്തിച്ച് സോമര്‍സെറ്റ്

- Advertisement -

പരിക്കേറ്റ് പുറത്തായ മാറ്റ് റെന്‍ഷായ്ക്ക് പകരം ഫസ്റ്റ് ക്ലാസ് മത്സരങ്ങള്‍ക്കായി പാക്കിസ്ഥാന്‍ താരം അസ്ഹര്‍ അലിയെ ടീമിലെത്തിച്ച് ഇംഗ്ലീഷ് കൗണ്ടി സോമര്‍സെറ്റ്. ഓസ്ട്രേലിയന്‍ താരം ഡേവിഡ് വാര്‍ണര്‍ക്ക് പകരമാണ് സോമര്‍സെറ്റ് റെന്‍ഷായെ ടീമിലെത്തിച്ചത്. എന്നാല്‍ കഴിഞ്ഞ മാസം സറേയ്ക്കെതിരെയുള്ള മത്സരത്തില്‍ താരത്തിനു പരിക്കേറ്റിരുന്നു. ഇതോടെ കൗണ്ടിയിലെ ശേഷിക്കുന്ന മത്സരങ്ങളില്‍ താരം പങ്കെടുക്കില്ലെന്ന് ഉറപ്പാകുകയായിരുന്നു.

പാക്കിസ്ഥാനു വേണ്ടി 65 ടെസ്റ്റില്‍ നിന്നായി 5202 റണ്‍സ് നേടിയിട്ടുള്ള താരമാണ് 33 വയസ്സുകാരന്‍ അസ്ഹര്‍ അലി. വിന്‍ഡീസിനെതിരെ ഡേ നൈറ്റ് ടെസ്റ്റില്‍ (2016) ട്രിപ്പിള്‍ സെഞ്ച്വറി നേടുകയും ചെയ്തിരുന്നു അസ്ഹര്‍ അലി.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement