ശ്രീലങ്ക നല്‍കിയ 122 റൺസ് വിജയ ലക്ഷ്യം വെറും 16.5 ഓവറിൽ മറികടന്ന് ഓസ്ട്രേലിയ. നാല് വിക്കറ്റ് നഷ്ടത്തിലാണ് ഓസ്ട്രേലിയ ഈ സ്കോര്‍ നേടിയത്. ആദ്യ പന്തിൽ ബെന്‍ മക്ഡര്‍മട്ടിനെ നഷ്ടമായ ഓസ്ട്രേലിയയെ ആരോൺ ഫി‍ഞ്ച്(35), ഗ്ലെന്‍ മാക്സ്വെൽ(39), ജോഷ് ഇംഗ്ലിസ്(21*) എന്നിവര്‍ ചേര്‍ന്നാണ് വിജയത്തിലേക്ക് നയിച്ചത്. വിജയത്തോടെ പരമ്പര 3-0ന് ഓസ്ട്രേലിയ സ്വന്തമാക്കി.
ശ്രീലങ്കയ്ക്കായി മഹീഷ് തീക്ഷണ മൂന്ന് വിക്കറ്റുമായി മികവുറ്റ പ്രകടനം പുറത്തെടുത്തുവെങ്കിലും ലക്ഷ്യം തീരെ ചെറുതായത് ഓസ്ട്രേലിയയ്ക്ക് കാര്യങ്ങള്‍ അനായാസമാക്കി.
