അണ്ടര്‍ 19 ഏഷ്യ കപ്പിന്റെ ഭാഗമായുള്ള ഗ്രൂപ്പ് എ മത്സരത്തില്‍ അഫ്ഗാനിസ്ഥാനെ എറിഞ്ഞിട്ട് ഇന്ത്യന്‍ യുവനിര. ടോസ് നേടി ആദ്യം ബാറ്റ് ചെയ്ത അഫ്ഗാനിസ്ഥാനെ 40.1 ഓവറില്‍ ഇന്ത്യ 124 റണ്‍സിന് ഓള്‍ഔട്ട് ആക്കുകയായിരുന്നു. ഓപ്പണര്‍മാര്‍ നല്‍കിയ അര്‍ദ്ധ ശതക കൂട്ടുകെട്ടിന് ശേഷം അഫ്ഗാനിസ്ഥാന്‍ തകര്‍ന്നടിയുകയായിരുന്നു. ഒന്നാം വിക്കറ്റില്‍ ഫര്‍ഹാന്‍ സഖൈലും(29) സെദിഖുള്ള അടലും(25) നല്‍കിയ മികച്ച തുടക്കത്തിന് ശേഷം തുടരെ വിക്കറ്റുകളുമായി അഥര്‍വ അങ്കോലേക്കറും സുഷാന്ത് കുമാര്‍ മിശ്രയും അഫ്ഗാനിസ്ഥാനെ വെള്ളം കുടിപ്പിച്ചു.
പിന്നീട് അദിയുള്ള താനിവാല്‍ നേടിയ 39 റണ്‍സാണ് ടീമിനെ 124 റണ്‍സിലേക്ക് എത്തിച്ചത്. താനിവാല്‍ ആണ് അവസാന വിക്കറ്റായി പുറത്തായത്. ഇന്ത്യയ്ക്കായി സുശാന്ത് കുമാര്‍ മിശ്ര അഞ്ച് വിക്കറ്റും അഥര്‍വ അങ്കോലേക്കര്‍ നാലും വിക്കറ്റ് നേടി.
