ഏഷ്യ കപ്പ് 2023 ഫൈനലിലെ കനത്ത പരാജയത്തിന് ആരാധകരോട് ക്ഷമ ചോദിച്ച് ദസുന്‍ ഷനക. ശ്രീലങ്കയ്ക്ക് മികച്ച പിന്തുണയാണ് ടൂര്‍ണ്ണമെന്റിലുടനീളം ഇവര്‍ നൽകിയതെന്നും ടൂര്‍ണ്ണമെന്റിൽ മികച്ച ടീമുകളെ പരാജയപ്പെടുത്തിയാണ് ടീം ഫൈനലിലേക്ക് എത്തിയതെന്നും ദസുന്‍ ഷനക സൂചിപ്പിച്ചു.
സദീര സമരവിക്രമ, കുശൽ മെന്‍ഡിസ്, ചരിത് അസലങ്ക എന്നിവര്‍ ഇന്ത്യയിലെ സാഹചര്യങ്ങളില്‍ വളരെ അധികം റൺസ് കണ്ടെത്തുമെന്നും അത് ലോകകപ്പിൽ ടീമിന് തുണയാകുമെന്നും ലങ്കന്‍ നായകന്‍ വ്യക്തമാക്കി. പിച്ച് ബാറ്റിംഗ് അനുകൂലമായിരിക്കുമെന്നാണ് താന്‍ കരുതിയതെന്നും എന്നാൽ ഓവര്‍കാസ്റ്റ് സാഹചര്യങ്ങള്‍ തിരിച്ചടിയായി എന്നും ഷനക വ്യക്തമാക്കി.
