കുടുംബാംഗങ്ങളെ കൊണ്ടു പോകാനാകില്ലെങ്കിൽ ആഷസ് പരമ്പര ഉപേക്ഷിക്കണം – മൈക്കൽ വോൺ

Sports Correspondent

Download the Fanport app now!
Appstore Badge
Google Play Badge 1

2021 ആഷസിൽ താരങ്ങള്‍ക്ക് കുടുംബാംഗങ്ങളെ കൊണ്ടു പോകാനാകില്ലെങ്കിൽ പരമ്പര തന്നെ ഉപേക്ഷിക്കണം എന്ന് പറഞ്ഞ് മുന്‍ ഇംഗ്ലണ്ട് നായകന്‍ മൈക്കല്‍ വോൺ. നാല് മാസത്തോളം കാലം താരങ്ങള്‍ കുടുംബത്തിൽ നിന്ന് താരങ്ങള്‍ വിട്ട് നില്‍ക്കേണ്ട സാഹചര്യമാണെങ്കിൽ പരമ്പര ഉപേക്ഷിക്കുകയാണ് ഏറ്റവും നല്ലതെന്ന് മൈക്കൽ വോണും കെവിന്‍ പീറ്റേഴ്സണും വ്യക്തമാക്കിയിരുന്നു.

കഴിഞ്ഞ ദിവസമാണ് ഇംഗ്ലണ്ട് ക്രിക്കറ്റ് ബോര്‍ഡ് ആഷസിൽ കുടുംബാംഗങ്ങള്‍ക്ക് ടീമിനൊപ്പം യാത്ര ചെയ്യാനാകില്ലെന്ന് പറഞ്ഞത്. ഐസിസി ടി20 ലോകകപ്പ് കഴിഞ്ഞ് നേരിട്ട് ഓസ്ട്രേലിയയിലേക്ക് യാത്രയാകുന്ന ഇംഗ്ലണ്ടിന്റെ ഓള്‍ ഫോര്‍മാറ്റ് പ്ലേയേഴ്സ് ആണ് ഈ വിഷയത്തിൽ ഏറെ ബുദ്ധിമുട്ടുക.

ഇംഗ്ലണ്ട് ശ്രീലങ്കയോടും പാക്കിസ്ഥാനോടുമുള്ള പരമ്പരയ്ക്ക് ശേഷം ദി ഹണ്ട്രെഡിന് ആതിഥേയത്യം വഹിക്കുകയാണ്. അത് കഴി‍ഞ്ഞ് ഐപിഎൽ വന്നെത്തും അതിൽ ഇംഗ്ലണ്ട് താരങ്ങള്‍ പങ്കെടുക്കില്ലെന്നാണ് ബോര്‍ഡ് അറിയിച്ചത്. അത് കഴിഞ്ഞ ടി20 ലോകകപ്പും ആഷസും വരുമ്പോള്‍ താരങ്ങള്‍ ഏറെക്കാലം കുടുംബത്തിൽ നിന്ന് വിട്ട് നിൽക്കേണ്ട സാഹചര്യം വരും.