313/8 എന്ന നിലയില്‍ ബാറ്റിംഗ് പുനരാരംഭിച്ച ഇംഗ്ലണ്ട് 329 റണ്‍സിന് ഓള്‍ഔട്ട് ആയ ശേഷം 399 റണ്‍സ് വിജയ ലക്ഷ്യം തേടിയിറങ്ങി ഓസ്ട്രേലിയയുടെ നില പരുങ്ങലില്‍. നാലാം ദിവസം ചായയ്ക്കായി പിരിയുമ്പോള്‍ ടീം 47 ഓവറില്‍ 167/5 എന്ന നിലയിലാണ്. മാത്യൂ വെയിഡ് 60 റണ്‍സുമായി പൊരുതുമ്പോള്‍ ഒപ്പം 10 റണ്‍സ് നേടിയ ടിം പെയിനാണ് കൂട്ടിനായുള്ളത്. 23 റണ്‍സ് നേടിയ സ്റ്റീവ് സ്മിത്ത്, 24 റണ്‍സ് നേടിയ മിച്ചല്‍ മാര്‍ഷ് എന്നിവരോടൊപ്പം വെയിഡ് കൂട്ടുകെട്ടുകള്‍ നേടുവാന്‍ ശ്രമിച്ചുവെങ്കിലും വിക്കറ്റുകളുമായി ഇംഗ്ലണ്ട് പ്രതിരോധം സൃഷ്ടിക്കുകയാിയരുന്നു.
അഞ്ച് വിക്കറ്റ് കൈവശമുള്ള ഓസ്ട്രേലിയ വിജയത്തിനായി 232 റണ്‍സ് കൂടി നേടണം. ഇംഗ്ലണ്ടിന് വേണ്ടി സ്റ്റുവര്‍ട് ബ്രോഡ് മൂന്നും ജാക്ക് ലീഷ്, ജോ റൂട്ട് എന്നിവര്‍ ഓരോ വിക്കറ്റും നേടി.
