ആഷസ് പരമ്പരയിലെ ആദ്യ രണ്ട് ടെസ്റ്റുകളും കൈവിട്ടുവെങ്കിലും മൂന്നാം മത്സരത്തിൽ തിരിച്ചുവരവ് നടത്തിയ ഇംഗ്ലണ്ടിന് ആഷസ് നിലനിര്‍ത്തുവാനാകുമെന്ന് തനിക്ക് സംശയമില്ലെന്നും പറഞ്ഞ് ഇംഗ്ലണ്ട് നായകന്‍ ബെന്‍ സ്റ്റോക്സ്. ഈ ഘട്ടത്തിൽ നിന്ന് ഇനിയുള്ള മത്സരങ്ങള്‍ വിജയിച്ച് ഇംഗ്ലണ്ട് പരമ്പര നേടുമെന്നാണ് താന്‍ ആത്മവിശ്വാസത്തോടെ വിശ്വസിക്കുന്നതെന്നും സ്റ്റോക്സ് വ്യക്തമാക്കി.
ഓള്‍ഡ് ട്രാഫോര്‍ഡിലും ഓവലിലും നടക്കുന്ന മത്സരങ്ങള്‍ വിജയിക്കുക എന്ന ശ്രമകരമായ ദൗത്യമാണ് സ്റ്റോക്സിന്റെ ഇംഗ്ലണ്ടിന്റെ മുന്നിലുള്ളത്. പരമ്പരയുടെ ഗതി നിശ്ചയിക്കുന്ന മത്സരത്തിൽ കടമ്പ കടക്കുവാന്‍ സാധിച്ചു എന്നതിൽ ഏറെ സന്തോഷമുണ്ടെന്നും സ്റ്റോക്സ് കൂട്ടിചേര്‍ത്തു.
