പാകിസ്ഥാൻ ക്രിക്കറ്റ് ടീം പരിശീലകർക്കെതിരെ കടുത്ത വിമർശനവുമായി ആമിർ സൊഹൈൽ

- Advertisement -

പാകിസ്ഥാൻ ക്രിക്കറ്റ് ടീം പരിശീലകർക്കെതിരെ കടുത്ത വിമർശനവുമായി മുൻ പാകിസ്ഥാൻ താരം ആമിർ സൊഹൈൽ രംഗത്ത്. പാകിസ്ഥാൻ പരിശീലകരെ ക്രിക്കറ്റ് ടൂറിന് അയക്കുന്നതിന് പകരം വിനോദ യാത്രക്ക് അയക്കണമെന്നും ആമിർ സൊഹൈൽ പറഞ്ഞു. പാകിസ്ഥാൻ ടീം പരിശീലകൻ മിസ്ബാഹുൽ ഹഖ് അടക്കമുള്ള പരിശീലകരെയാണ് ആമിർ സൊഹൈൽ വിമർശിച്ചത്. ഇംഗ്ലണ്ടിനെതിരായ മൂന്നാം ക്രിക്കറ്റ് ടെസ്റ്റിൽ പാകിസ്ഥാൻ ബൗളർമാരുടെ മോശം പ്രകടനമാണ് പരിശീലകരെ വിമർശിക്കാൻ ആമിർ സൊഹൈലിനെ പ്രേരിപ്പിച്ചത്.

പാകിസ്ഥാൻ ടീമിന് ഒപ്പമുള്ള പരിശീലകർ അവരുടെ ചുമതലകൾ നിർവഹിക്കുന്നില്ലെന്നും ഫാസ്റ്റ് ബൗളർ നസീം ഷായുടെ ബൗളിംഗ് ആക്ഷനിൽ ഉള്ള സ്ഥിരതയില്ലാഴ്മ പരിഹരിക്കാൻ പരിശീലകർക്ക് കഴിയുന്നില്ലെന്നും ആമിർ സൊഹൈൽ പറഞ്ഞു. ഇംഗ്ലണ്ടിനെതിരായ മൂന്നാം ടെസ്റ്റ് മത്സരത്തിൽ മോശം ബൗളിംഗ് പ്രകടനം പുറത്തെടുത്ത സ്പിന്നർ യാസിർ ഷായുടെ പ്രകടനത്തെയും ആമിർ സൊഹൈൽ വിമർശിച്ചു.

Advertisement