ഓസ്‌ട്രേലിയൻ താരം അലിസ്സ ഹീലി നേടിയ റെക്കോർഡ് സെഞ്ചുറിയുടെ പിൻബലത്തിൽ ശ്രീലങ്കക്കെതിരായ പരമ്പര തൂത്തുവാരി ഓസ്ട്രേലിയ. ഇന്ന് നടന്ന മൂന്നാം ടി20 മത്സരത്തിൽ 132 റൺസിന്റെ വമ്പൻ ജയം നേടിയാണ് ഓസ്ട്രലിയ പരമ്പര 3-0 ജയിച്ചത്. 61 പന്തിൽ 148 റൺസ് എടുത്ത ഹീലി വനിതാ ടി20യിൽ ഏറ്റവും വലിയ വ്യക്തിഗത സ്കോർ നേടുന്ന താരമായി. ഹീലിയുടെ ആദ്യ ടി20 സെഞ്ചുറി കൂടിയായിരുന്നു ഇത്.
ആദ്യം ബാറ്റ് ചെയ്ത ഓസ്ട്രേലിയ 20 ഓവറിൽ 2 വിക്കറ്റ് നഷ്ടത്തിൽ 226 റൺസാണ് എടുത്തത്. ഹീലിയുടെസെഞ്ചുറിക്ക് പുറമെ 37 പന്തിൽ നിന്ന് 41 റൺസ് എടുത്ത ഹെയ്ൻസ് ഹീലിക്ക് മികച്ച പിന്തുണ നൽകി. തുടർന്ന് കൂറ്റൻ ലക്‌ഷ്യം വെച്ച് ബാറ്റിങ്ങിന് ഇറങ്ങിയ ശ്രീലങ്ക 20 ഓവറിൽ 7 വിക്കറ്റ് നഷ്ടത്തിൽ 94 റൺസിന് ഇന്നിംഗ്സ് അവസാനിക്കുകായായിരുന്നു. ശ്രീലങ്കൻ നിരയിൽ 30 റൺസ് എടുത്ത ജയങ്ങണിയും 28 റൺസ് എടുത്ത മാധവിയും മാത്രമേ കുറച്ചെങ്കിലും പൊരുതി നോക്കിയുള്ളൂ.
