മൂന്ന് താരങ്ങളുടെ ലോകകപ്പ് ടീമിലെ അഭാവത്തെ കുറിച്ച് വിമർശനവുമായി മുൻ ഇന്ത്യൻ സെലക്ടർ വെങ്സർക്കർ. ഞാൻ ആയിരുന്നു എങ്കിൽ ടി20 ലോകകപ്പിനായി മുഹമ്മദ് ഷമി, ഉംറാൻ മാലിക്, ശുഭ്മാൻ ഗിൽ എന്നിവരെ തിരഞ്ഞെടുക്കുമായിരുന്നു. എന്ന് അദ്ദേഹം പറഞ്ഞു. അവർക്കെല്ലാം മികച്ച ഐപിഎൽ സീസൺ ഉണ്ടായിരുന്നതിനാൽ അവർ ടി20യിൽ ഇന്ത്യക്കായി സ്ഥിരമായി കളിക്കേണ്ടവരാണ്. വെങ്‌സർക്കറിനെ ഉദ്ധരിച്ച് ദി ഇന്ത്യൻ എക്‌സ്പ്രസ് റിപ്പോർട്ട് ചെയ്തു.
നേരത്തെ മുൻ സെലക്ടർ ആയ ക്രിസ് ശ്രീകാന്തും സെലക്ഷനിലെ തന്റെ അതൃപ്തി അറിയിച്ചിരുന്നു. അദ്ദേഹം മൊഹമ്മദ് ഷമിയെ ടീമിൽ എടുക്കാത്തതിനെ ആയിരുന്നു വിമർശിച്ചത്. ഷമി ടീമിൽ ഇല്ല എന്നത് പലരുടെയും വിമർശനം ഉയരാൻ കാരണമായിട്ടുണ്ട്.
